Rasija hatovaja praciahvać Stambulski pieramoŭny praces — Pucin
Uładzimir Pucin padčas padchodu da presy ŭ chodzie svajho vizitu va Uźbiekistan zajaviŭ, što, maŭlaŭ, Rasija nikoli nie admaŭlałasia vieści pieramovy adnosna Ukrainy.
Pavodle słoŭ Pucina, Rasija hatovaja dalej praciahvać pieramoŭny praces na asnovie, jakaja była ŭ Stambule ŭ sakaviku 2022 hoda.
Jak viadoma, na tych pieramovach Rasija siarod inšaha patrabavała ad Ukrainy admovy ad ustupleńnia ŭ NATA, zhodu na rasijskuju anieksiju Kryma i pryznańnia «niezaležnaści» «DNR» i «ŁNR».
Taksama Pucin hetym razam pastaviŭ pad sumnieŭ lehitymnaść prezidenta Ukrainy Uładzimira Zialenskaha, piacihadovy termin paŭnamoctvaŭ jakoha farmalna minuŭ 24 maja. Maŭlaŭ, Kanstytucyja Ukrainy praduhledžvaje padaŭžeńnie paŭnamoctvaŭ tolki Viarchoŭnaj Rady, a pra paŭnamoctvy kiraŭnika dziaržavy tam ničoha nie skazana.
Čytajcie taksama:
«Uładzimira Pucina vielmi niepakoić Forum miru ŭ Šviejcaryi» — Karbalevič
