U Vilejskim rajonie śviatar vymušany kłapacicca pra katoŭ, jakija zastalisia ad pamierłaj prychadžanki
Da probašča kaścioła ŭ Alkovičach sami pryjšli dvoje katoŭ prychadžanki. Z astatnimi žyviołami prosiać dapamahčy vałanciory, piša katolik.life.
U nietypovaj situacyi akazaŭsia probašč Rymska-katalickaj parafii ŭ vioscy Alkovičy Vilejskaha rajona. Tam pamierła 61-hadovaja adzinokaja parafijanka, jakaja zabirała da siabie kinutych sabak i katoŭ. Žyvioły zastalisia biezhaspadarnymi paśla śmierci haspadyni — zaraz probašč parafii ksiondz Anatol Parachnievič vymušany kłapacicca pra žyvioł.
Śviatar uziaŭ da siabie dvuch katoŭ, jakija pryjšli da jaho z domu pamierłaj haspadyni. A astatnich žyvioł pakul padkormlivajuć žychary vioski. Sam śviatar raspavioŭ pra situacyju Kraj.by:
«Katoŭ i sabak padkidvali dačniki, jana vychodžvała ščaniukoŭ, jakich naradžała jaje ž hadavanka. Parafijanka pierastała prychodzić na słužby. 22 maja ja pryjšoŭ da jaje. Hladžu, a jana na łožku lažyć miortvaja. Adna koška siadzić la hałavy haspadyni, druhaja — u jaje na hrudziach».
Vałanciory padkazvajuć telefon ksiandza Anatola i prosiać nieabyjakavych źviarnucca da jaho, kab dapamahčy razabrać žyvioł: +375 29 611-16-00
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)