Straty Ukrainy ŭ vajnie składajuć jak minimum 46 tysiač čałaviek. A što ŭ Rasii?
Hetuju ličbu daje analiz adkrytych krynic.
Fota: AP Photo / Alex Babenko
Straty bakoŭ u vajnie Rasii suprać Ukrainy va ŭmovach vielmi abmiežavanaj infarmacyi viaduć niekalki inicyjatyŭ. Pieryjadyčna «Miedyjazona», vałanciory jakoj sumiesna ź Bi-bi-si zajmajucca analizam adkrytych krynic, ahučvajuć ličby strat rasijskich vajennych.
Inšy resurs — lostarmour.info — na dniach apublikavaŭ daśledavańnie ab stratach Ukrainy. Jano pravodzicca pa toj ža mietodycy, što i ŭ «Miedyjazony».
Miarkujučy pa stylistycy artykuła Lostarmour.info, aŭtary krajnie niehatyŭna staviacca da Ukrainy, vykarystoŭvajuć usiemahčymyja prapahandysckija štampy. Razam z tym, vyhladaje, što praca pa pošuku infarmacyi była praviedzienaja vielizarnaja.
Śćviardžajecca, što pa stanie na 20 maja ŭ śpisie zahinułych ukrainskich vajskoŭcaŭ byŭ 46591 zapis.
Ź ich u 2022 hodzie zahinuła 18237 čałaviek, u 2023 — 22289, z pačatku 2024 hoda — 6065. Siaredni ŭzrost achviaraŭ skłaŭ 38 hadoŭ.
U analizie źviartajecca ŭvaha na toje, što najbolšyja siaredniadzionnyja straty ŭkrainskaja armija paniesła ŭ samym pačatku ŭvarvańnia — u lutym i sakaviku 2022 hoda. U dalejšym jany istotna źmienšylisia. Aŭtary dapuskajuć, što heta moža być źviazana ź mierami pa abmiežavańni infarmacyi ŭ dalejšym.
Što tyčycca strat rasijskaha boku, to ŭ kancy minułaha tydnia «Miedyjazona» ahučyła novuju ličbu — 54 185 zahinułych rasijan, čyje imiony viadomyja. Ź jakich tolki na apošnija dva tydni prypadaje 1396 čałaviek. Pryčym hetyja ličby nie ŭklučajuć zahinułych ź liku mabilizavanych u «DNR» i «ŁNR», siarod jakich byli kałasalnyja straty.
Pa acency Bi-bi-si, jakaja zasnavanaja na paraŭnańni danych śpisu sa źviestkami z asobnych mohiłak, realna kolkaść zabitych prykładna ŭ dva razy bolšaja. Heta značyć, što rasijskaja armija straciła ŭžo kala 110 tysiač zabitymi i sotni tysiač paranienymi.
Čytajcie taksama:
Šolc: Rasija na vajnie va Ukrainie hublaje 24 tysiač čałaviek u miesiac
