Piensijanierka addała kurjeru ŭ mascy 22 tysiačy rubloŭ. Ale jaho zdoleli dahnać
U Bresckaj vobłaści pa haračych śladach zatrymali kurjera telefonnych machlaroŭ. Pryčym mužčynu nie dapamahli navat miery kanśpiracyi: jon pryjšoŭ da svajoj achviary ŭ mascy, paviedamlaje pres-słužba MUS
U milicyju źviarnułasia 71-hadovaja žycharka Kobryna i raspaviała, što na chatni telefon joj patelefanavaŭ mužčyna. Jon skazaŭ, što jaje dačka trapiła ŭ DTZ, a dla lačeńnia patrebnyja hrošy.
U vyniku davierlivaja piensijanierka pieradała kurjeru, čyj tvar byŭ zakryty maskaj, bolš za 22 tysiačy rubloŭ.
Supracoŭnikam kryminalnaha vyšuku ŭdałosia ŭstanavić maršrut kurjera i zatrymać jaho pa haračych śladach. Afierysta ŭziali ŭ Biarozie — im akazaŭsia 52-hadovy žychar Minska. Jon rastłumačyŭ, što abjavu ab kryminalnaj padpracoŭcy znajšoŭ u internecie.
U Kobrynie mužčyna paśpieŭ vykanać pieršaje zadańnie, a ŭ momant zatrymańnia nakiroŭvaŭsia na nastupny adras. Pry sabie ŭ jaho była ŭsia suma, jakuju pieradała ašukanaja piensijanierka. Tak što hrošy joj viernuć.
