Stała viadoma, chto stralaŭ u słavackaha premjera Fica
Słavackija ŚMI paviedamlajuć, što 71-hadovym mužčynam, jaki stralaŭ u premjera krainy Robierta Fica, źjaŭlajecca piśmieńnik Juraj Cintuła.
Skrynšot ź videa
Juraj Cintuła — aŭtar niekalkich paetyčnych zbornikaŭ, jaki žyvie ŭ horadzie Levicy. Akramia piśmieńnictva, jon taksama aktyvist libieralnaj partyi «Prahresiŭnaja Słavakija».
U 2016 hodzie Cintuła pracavaŭ achoŭnikam u handlovym centry, i na jaho napaŭ dy źbiŭ niećviarozy mužčyna, jaki zładziŭ deboš u supiermarkiecie. Paśla hetaj historyi pra jaho pisali haziety i rabili repartažy miascovyja telekanały. Darečy, jak śćviardžajecca, mienavita z časoŭ pracy ŭ pryvatnaj achoŭnaj kampanii Juraj Cintuła mieŭ prava na našeńnie zbroi.
Aficyjna pravaachoŭnyja orhany Słavakii pakul nie raskryvali asoby strałka. Ciapier padazravany ŭ zamachu na Fica znachodzicca pad vartaj, jahonaj spravaj zajmajecca Nacyjanalnaje kryminalnaje ahienctva Słavakii.
Čytajcie taksama:
«Roba, idzi siudy». Premjera Słavakii buduć terminova apieravać paśla zamachu
Zamach na premjera Słavakii — jaho stan vielmi ciažki
Paplečnik Fica vyjhraŭ prezidenckija vybary ŭ Słavakii. Jon suprać vajskovaj dapamohi Ukrainie
