Parłamient Hruzii kančatkova zaćvierdziŭ zakon ab «zamiežnych ahientach». Deputaty paśpieli pabicca
Suprać hetaha zakona na pratest vychodzili dziasiatki tysiač čałaviek.
Bojka ŭ parłamiencie. Skryn videa Georgian Public Broadcaster
Parłamient Hruzii ŭ trecim, finalnym čytańni zaćvierdziŭ zakon ab «zamiežnych ahientach» — zakonaprajekt «Ab prazrystaści zamiežnaha ŭpłyvu».
Za zaćviardžeńnie skandalnaj inicyjatyvy «Hruzinskaj mary» prahałasavali 84 deputaty — niahledziačy na pratesty i krytyku mižnarodnych partnioraŭ Hruzii. 30 apazicyjanieraŭ prahałasavali suprać, piša «Echa Kaŭkaza».
Padčas debataŭ deputaty pačali bicca.
Prezident Sałome Zurabišvili raniej paabiacała, što nakładzie vieta na zakonaprajekt. Zhodna z Kanstytucyjaj Hruzii, prezident na praciahu 10 dzion padpisvaje i publikuje zakon, albo z matyvavanymi zaŭvahami viartaje ŭ parłamient. U «Hruzinskaj mary» jość dastatkova hałasoŭ, kab pieraadoleć vieta. Kali i paśla hetaha prezident nie padpiša zakon, jaho padpisvaje i publikuje staršynia parłamienta.
Čytajcie taksama:
Na pratest u Tbilisi suprać «zakona ab inšahientach» vyjšła 200 tysiač čałaviek
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)