Dzie tusić łukašenkaŭskaja moładź? Pje ŭ «Lebiadzinym», adpačyvaje ŭ Paryžy i Miłanie
Jany tančać na praŭładnych balach, robiać sełfi ŭ majkach z cytatami Łukašenki, a pa subotach zvyčajna pościać u storys videa ź jaho chakieja. Ale dzie lubić adpačyvać łukašenkaŭskaja moładź?
Naprykład, Baženie Jaremič, dyrektarcy Nacyjanalnaj škoły pryhažości i deputatcy Minharsavieta, padabajecca restaran «Lebiadziny».
Skrynšot instahrama Baženy Jaremič
Tudy zachodzić i ŭładalnica tytuła «Mis Biełaruś — 2021» Darja Hančarevič.
Darja taksama vandruje pa Jeŭropie. U minułym listapadzie jana hulała pa vosieńskaj Prazie (praŭda, Darja napisała, što horad jaje nie ŭraziŭ, tamu što Minsk — u sercy). Paśla adpraviłasia ŭ Miłan, dzie była ŭ žury dziciačaha fiestyvalu. A potym naviedała Vienu.
Darja Hančarevič u Miłanie. Fota ź jaje instahramu
U 2022 hodzie pryhažunia taksama špacyravała pa Miłanie i fatahrafavałasia na fonie bucikoŭ «Prada», «Huččy» i «Łui Viton».
Na spatkańni sa svaim chłopcam Rusłanam Sambukam Darja chodzić u restaran sučasnaj aŭtarskaj kuchni «Madam Kako».
Darja sa svaim chłopcam. Fota z sacsietak
Adna ź blizkich siabrovak Darji — madel Jana Baranoŭskaja. Dziaŭčaty paznajomilisia na konkursie «Mis Biełaruś» i ciapier ich časta možna pabačyć razam: na bali ŭ Pałacy Niezaležnaści, u «Minsk-Arenie» na chakiei ci z kielichami šampanskaha ŭ pafasnym restaranie. Naprykład, im padabajecca Martinique Brasserie, jaki śpiecyjalizujecca na francuzskaj kuchni. Cikavy fakt: na adnym z sajtaŭ miesca rekłamujuć jak restaran, kudy možna zajści paśla ekskursii ŭ muziei MUS.
Skrynšot storys Hančarevič
Dziaŭčaty hulajuć pa roznych barach Zybickaj i viačerajuć u restaranie The View, dzie atrymlivajuć asałodu nie tolki ad vytančanych stravaŭ, ale i ad malaŭničych vidaŭ na Śvisłač. Naviedvajuć siabroŭki i modny Bloom eatery. Kab pačastavacca midyjami, chodziać u restaran francuzskaj kuchni Le cro cro. Byvaje ŭ kampanii Hančarevič i Baranoŭskaj favarytka Łukašenki Uładlena Zajcava.
A jašče dziaŭčatam padabajecca rabić sełfi ŭ prybiralni niebiudžetnaha restarana FABRIQ. U lusterku bačny firmovyja čachły dla ajfonaŭ z załatym hierbam, čyrvona-zialonym ściaham i nadpisam «Respublika Biełaruś». Cikavy fakt: takija majuć mnohija prafiesijnyja pryhažuni.
Vasilevič i Baranoŭskaja. Fota z sacsietak
Praciahvajučy temu čachłoŭ dla telefonaŭ ź dziaržsimvolikaj: anałahičnym u storys pachvaliłasia śpiavačka Hanna Trubiackaja. Jana raspaviała, što heta limitavanaja sieryja — na kožnym čachle jość jašče i imia ŭłaśnicy. I kali dziaŭčyna mianiaje telefon, dla jaje robiać i novy čachoł z hierbam u patrebnym pamiery.
Fota z sacsietak
U 2022 hodzie Hanna atrymała Hran-pry «Słavianskaha bazaru». Ciapier jeździć ź inšymi ideałahična vyvieranymi artystami pa roznych haradach i ŭdzielničaje ŭ dyjałohavych placoŭkach prapahandysckaha prajekta «Razam z mastactvam».
Fota z sacsietak
Svaim lubimym miescam u Minsku jana nazyvaje restaran «Lebiadziny». Chvalić Bloom eatery, Bergamo i Café de Paris. U apošnim restaranie Hanna asabliva lubić zakazvać miasa kraba na paru.
Tusić taksama ŭ FABRIQ. A ŭ rodnym Mahilovie Hańnie padabajecca restaran Amici.
U adpačynak śpiavačka latała ŭ AAE, Hruziju i Armieniju.
Fota z sacsietak
Razam ź siabroŭkami zahladvaje ŭ restaran «Lebiadziny» i jašče adna pryhažunia — eks-deputatka Maryja Vasilevič. Padabajecca joj restaran francuzskaj kuchni Le cro cro, a taksama restaran italjanskaj kuchni Fiori. Raniej jana naviedvała znakamitaje Bistro de Luxe, jakoje naležała restarataru-revalucyjanieru Vadzimu Prakopjevu. Ale pa zrazumiełych pryčynach hety restaran bolš nie pracuje.
Maryja Vasilevič ź siabroŭkami ŭ Bistro de Luxe, jakoje naležała Vadzimu Prakopjevu. Fota z sacsietak
Zorka maładoj śpiavački Lery Biernatovič na ajčynnaj estradzie zaźziała paśla taho, jak jaje praz kastynh adabrali dla vykanańnia čarhovaj pieśni Hanny Siałuk (niaviestki Łukašenki). Ciapier dziaŭčyna časta vystupaje na roznych patryjatyčnych mierapryjemstvach. Idealnym miescam dla ciopłych sustreč Lera ličyć restaran Fiori.
Lera Biernatovič. Fota ź jaje instahramu
Prapahandyst Ihar Tur razam z žonkaj Ksienijaj naviedvaje restarany The View, Madam Coco i Bergamo.
Ihar Tur z žonkaj u The View. Fota ź jaje instahramu
Tvar kanała HUBAZiKa Taćcianu Traciak (ź niadaŭniaha času jana jašče i viadučaja tok-šou na ANT) možna pabačyć u kandytarskaj O.D.I., hastra-bary ButterBro, restaranach «Imiony», Maslow 6, Bloom Eatery, FIORI, Cafe de Paris, znakamitym MoneMane i restaranie aŭtarskaj kuchni MOJO. Nu i biez «Lebiadzinaha» znoŭ nijak.
Skrynšot storys Traciak
Hladzić kino Taćciana ŭ Falcon Club, a śpiavać chodzić u karaokie kłub JEL'SA.
Fota ź instahramu Taćciany Traciak
Eleanora Kačałoŭskaja, pieramožca konkursu «Mis Biełaruś — 2023», adznačyłasia ŭ partuhalskim bary «Cantina 28», dzie joj vielmi spadabałasia: «Minsk napoŭnieny takoj kolkaściu atmaśfiernych, stylnych, smačnych miescaŭ, što prosta vaŭ!»
Hetaj viasnoj pasprabavała płavać na bajdarkach — prapłyła 16 kiłamietraŭ.
Niadaŭna Eleanora jeździła ź siabrami ŭ Brest i pa zasłuhach acaniła śniadanki ŭ Times cafe.
Skrynšot storys Eleanory
Ale, kaniešnie, vandravać pryhažuni padabajecca nie tolki pa Biełarusi. Naprykład, u studzieni Eleanora latała ŭ Paryž (zdajecca, u adroźnieńnie ad Ksienii Lebiedzievaj jana nie ličyć hety horad «zasranym»). Svaim zachapleńniem dziaŭčyna dzialiłasia ŭ storys: «Sapraŭdnyja turysty: ubačyć Ejfielevu viežu i ŭpaści ŭ ščaście».
Jašče Eleanora niejak raspaviadała, što maryć trapić na kancert rasijskaha hurta «Lube».
Eleanora Kačałoŭskaja ŭ Paryžy. Fota ź jaje instahramu
Anastasija Łaŭrynčuk u 2019 hodzie pradstaŭlała Biełaruś na konkursie «Mis Śvietu», jaki tady prachodziŭ u Łondanie. Ciapier dziaŭčyna buduje karjeru na telebačańni — viadzie naviny na STB i ŭdzielničaje ŭ praŭładnych mierapryjemstvach.
Anastasii padabajecca restaran «Dubrov'» u Raŭbičach. Naviedvaje jana chipstarskaje OK | NO Bistro. I ŭ Fiori z Vasilevič zachodzić. Darečy, razam dziaŭčaty asvojvali sap-siorfinh.
Na doŭhich majskich vychodnych Łaŭrynčuk i Vasileŭskaja ŭ kampanii inšych pryhažuń śniedali ŭ Michel Cafe, a potym katalisia na atrakcyjonach u parku Horkaha — hladzieli na Minsk z vyšyni koła ahladu.
Anastasija Łaŭrynčuk asvojvała sap-siorfinh razam z Maryjaj Vasilevič. Fota z sacsietak
Pryhažunia raspaviadała ŭ sacsietkach, što zmahła razam ź instruktaram palatać na samalocie JAK-52 — joj navat dazvolili samastojna kiravać im niekatory čas. Kaža, dobry varyjant adpačynku dla tych, chto lubić adrenalin.
Skrynšot videa ŭ instahramie Anastasii Łaŭrynčuk
Vandravać u Anastasii atrymlivajecca časta. Naprykład, u 2022 hodzie jana naviedała 8 krain (siarod jakich byli Francyja, Italija, Šviejcaryja). A ŭ 2023 adpačyvała na Maldyvach i ŭ Dubai.
Anastasija Łaŭrynčuk u Šviejcaryi
