Stała viadoma, jakuju hrupu kryvi najbolš lubiać klaščy
Češskija navukoŭcy vyjavili, što klaščy nie lubiać peŭnyja hrupy čałaviečaj kryvi. Tyja, chto ich maje, mienš schilnyja da ryzyki ŭkusaŭ i, adpaviedna, źviazanych ź imi roznych zachvorvańniaŭ, piša Telegraf.news.
Fota: Yuliya Yesina / vecteezy.com
Z hrupy złoŭlenych klaščoŭ było adabrana 100, jakija ŭ vyniku padvierhlisia ekśpierymientu. U nievialikija kantejniery źmiaścili čałaviečuju kroŭ čatyroch roznych hrup (biez pryviazki da rezusu). Zatym klaščam dali volny dostup da «ježy».
U vyniku vyśvietliłasia, što 36% daśledavanych uzoraŭ amal adrazu abrali II hrupu kryvi. I hrupie addali pieravahu 32%, a III i IV — 15 i 17% adpaviedna. Hetaje raźmierkavańnie źmianiałasia ź ciaham času, adnak klaščy pa-raniejšamu niaźmienna pieradusim vybirali II hrupu kryvi.
Vyniki daśledavańnia vielmi važnyja, pakolki klaščy raspaŭsiudžvajuć mnostva niebiaśpiečnych zachvorvańniaŭ, siarod jakich chvaroba Łajma, virusnaja pnieŭmanija i kleščavy encefalit.
I choć, adpraŭlajučysia ŭ les abo na łuh, my ŭsie pavinny sprabavać zaścierahčy siabie ad klaščoŭ, asabliva pra heta varta rupicca ludziam z II hrupaj kryvi, piša polskaje vydańnie Fakt.
Čytajcie taksama:
Dva čałavieki akazalisia ŭ reanimacyi ŭ Hrodnie z-za ŭkusaŭ klaščoŭ
