Znajści
Ałharytmičny łacinski varyjant
20.04.2024 / 15:50ŁacBieł

Siońnia ŭ Zalcburhu adbudziecca śpiektakl, natchniony historyjami biełaruskich žančyn-palitviaźniaŭ

Jahony pakaz prymierkavali da dnia naradžeńnia Maryi Kaleśnikavaj.

Maryna Jakubovič na Bierlinale ŭ 2021 hodzie. Fota: berlinale.de

Siońnia, 20 krasavika, u Aŭstryi, u Zalcburhu adbudziecca premjera monapastanoŭki «Connection», zasnavanaj na śviedčańniach byłych palitźniavolenych. Aŭtarkaj śpiektakla vystupiła aktrysa i režysiorka Maryna Jakubovič, paviedamlaje vydańnie reform.news.

«24 krasavika budzie dzień naradžeńnia Maryi Kaleśnikavaj, užo čaćviorty dzień naradžeńnia, jaki jana praviadzie ŭ źniavoleńni. Vobraz Maryi staŭ adnym z najvažniejšych piersanažaŭ śpiektakla i, kali možna tak skazać, maim partnioram pa scenie. I hety śpiektakl ja vielmi chaču pryśviacić joj i ŭsim biełaruskim palitviaźniam i palitviazynkam», — raspaviadaje pra svaju novuju pracu Jakubovič. 

U pracesie zboru materyjału da śpiektakla Maryna Jakubovič źviartałasia da inicyjatyvy «Palitviazynka». Dziakujučy dapamozie prajekta aktrysie ŭdałosia znajści šmat infarmacyi i ŭziać intervju ŭ byłych palitviazynak.

— My razmaŭlali z Kasiaj Budźko, Olaj Rytus, Ałanaj Hiebremaryjam, — padzialiłasia Maryna Jakubovič. — Taćciana Chomič šmat raskazała pra svaju siastru Maryju Kaleśnikavu, ź jakoj na dadzieny momant užo bolš za hod niama nijakaj suviazi. I sumiesna ź nievierahodnym maładym biełaruskim dramaturham i režysioram MI, my napisali pjesu ab palityčnych viaźniach i palitykach, ab svabodzie i źniavoleńni, ab rašeńniach i nastupstvach, ab vinie i adkaznaści, ab sile i słabaści. Heta śpiektakl ab adsutnaści suviazi z palitviaźniami, ab majoj suviazi ź Biełaruśsiu i ab suśvietnaj reakcyi na našu situacyju, — adznačaje teatralnaja dziajačka. — Padajecca, u mianie atrymaŭsia vielmi asabisty śpiektakl, jaki ŭzdymaje šmat važnych i dyskamfortnych pytańniaŭ.

Pastanoŭka stvarałasia ŭ rezidencyi ad Univiersiteta Mocarteum (Zalcburh, Aŭstryja) i Fiederalnaha ministerstva pa jeŭrapiejskich i mižnarodnych spravach Aŭstryjskaj Respubliki.

Maryna Jakubovič, jakaja hetaksama vykładaje akciorskaje majsterstva ŭ Tomas Biernchard instytucie, padkreślivaje, što tema biełaruskich palitźniavolenych dla jaje nie vypadkovaja.

— Heta tema dla mianie zaŭsiody była vielmi asabistaj i vielmi balučaj. Na žal, u ciapierašnich realijach, amal praz čatyry hady paśla biełaruskich pratestaŭ, praz dva hady paśla pačatku poŭnamaštabnaj vajny va Ukrainie, tema biełaruskich palitviaźniaŭ amal źnikła z navin, — ličyć režysiorka. — Mienavita tamu mnie chaciełasia ahučyć jaje i nie dać suśvietnaj supolnaści zabycca na hetuju prablemu.

Pačatak śpiektakla adbudziecca siońnia, 20 krasavika, u Kleine Studio (Mirabellplatz, 1), u 17.00.

Čytajcie taksama:

27 krasavika ŭ Varšavie — monaśpiektakl Zoi Biełachvościk «Moj Hleb»

Były viadučy BT Aŭčyńnikaŭ raskazaŭ pra zakuliśsie pracy, rasčaravańni i dapamohu palitviaźniam

Zvolnili mastackaha kiraŭnika ŭ jašče adnym biełaruskim teatry

Vialikaja hutarka z Chalezinym — jak prapanoŭvali adlot Łukašenku, pra Sańnikava i žurnalistyku 90-ch, teatr i hrošy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
1
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031