U Reform.by zabirajuć damien
Redakcyja niezaležnaha partała Reform.by atrymała list ad Apieratyŭna-analityčnaha centra, što AAC pryniaŭ rašeńnie ab anulavańni zapisu ab rehistracyi damiennaha imia Reform.by. List padpisany 15 krasavika 2024 hoda.
Fota: Reform.by
«U suviazi z uklučeńniem u respublikanski śpis ekstremisckich materyjałaŭ infarmacyjnaj pradukcyi internet-sajta, u jakaści identyfikatara jakoha ŭkazana damiennaje imia reform.by, administrataram nacyjanalnaj damiennaj zony pryniata rašeńnie anulavać u centralizavanaj bazie danych ab damiennych imionach, zarehistravanych u nacyjanalnaj damiennaj zonie, u tym liku ab ich uładalnikach, zapis ab rehistracyi damiennaha imia reform.by», — paviedamlaje ŭ liście № 4-5/2036 ad 15.04.2024 za podpisam namieśnika kiraŭnika AAC Siarhieja Žarnasieka.
Rašeńnie ab anulavańni abaviazany vykanać rehistratar hoster.by, a techničny administratar damiennaj zony TAA «Biełaruskija vobłačnyja technałohii» pavinna dadać damien u śpiecyjalny pieralik, jaki farmirujecca i viadziecca ŭ składzie bazy dadzienych.
Nahadajem, niekalki dzion tamu AAC źmianiŭ instrukcyju ab rehistracyi damiennych imionaŭ i ciapier «pa zakonie» moža anulavać rehistracyju damienaŭ, jakija ŭniesieny ŭ śpis ekstremisckich materyjałaŭ.
Redakcyja paśla anulavańnia damiena ŭklučyć sajt na damienie reform.news. Jon taksama ŭžo zabłakavany ŭ Biełarusi, ale niepadkantrolny ŭładam u Minsku.
A taksama prapanuje padpisvacca ŭ sacsietkach.