Maryna Vasileŭskaja viarnułasia na Ziamlu. Jana praviała ŭ kosmasie 14 sutak

Fota: Raskosmas

U 10:17 aparat karabla «Sajuz MS-24» z Aleham Navickim, Marynaj Vasileŭskaj i Łoreł O'Charaj pryziamliŭsia ŭ rajonie kazachstanskaha horada Žezkazhan.

Ranicaj karabiel adstykavaŭsia ad modula. Jaho źviadzieńnie z arbity i spusk na Ziamlu prajšli štatna, paviedamiŭ «Raskosmas».

Pierad pačatkam rasstykoŭki mižnarodny ekipaž karabla ŭ składzie kasmanaŭta «Raskosmasa» Aleha Navickaha, Maryny Vasileŭskaj i astranaŭta NASA Łoreł O'Chary prakantralavaŭ hiermietyčnaść pierachodnych lukaŭ i nadzieŭ skafandry. Paśla hetaha kasmanaŭty pierajšli ŭ spuščalny aparat, začynili luk u bytavym adsieku i pravieryli hiermietyčnaść luka i skafandraŭ.

U 9.24 adbyłosia ŭklučeńnie ruchavika karabla dla vyviadzieńnia z arbity. U 9.52 adbyŭsia padzieł na adsieki, u 9.54 — uvachod aparata ŭ atmaśfieru prykładna na adlehłaści 100 km.

Čytajcie taksama:

Biełaruskaja kasmanaŭtka Maryna Vasileŭskaja adčaliła ad MKS

Kasmanaŭtka Vasileŭskaja: U palocie dapamahaje padtrymka Łukašenki

Upieršyniu ŭ historyi biełaruska palacieła ŭ kosmas

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

12

3

3

1

1

1