Znajści
Ałharytmičny łacinski varyjant
05.04.2024 / 16:294RusŁacBieł

Papa pryznačyŭ u Biełarusi novaha biskupa. U Hrodzienskaj dyjacezii čakajucca pieramieny?

Papa Rymski Francišak pryznačyŭ ksiandza Uładzimira Hulaja biskupam-kaadjutaram Hrodzienskaj dyjacezii. Takoje rašeńnie 5 krasavika 2024 hoda apublikavali ŭ Vatykanie. 48-hadovy śviatar z 2003 hoda słužyć probaščam parafii Uzvyšeńnia Śviatoha Kryža ŭ Lidzie (Fara), a ciapier stanie dapamožnym biskupam najbolš masavaj dyjacezii ŭ krainie, piša Katolik.life.

Pasada biskupa-kaadjutara niezvyčajnaja i redkaja nie tolki dla Biełarusi, ale ŭ cełym u śviecie, adznačaje vydańnie.

Taki ijerarch pryznačajecca, kab dapamahać kiraŭniku dyjacezii (ardynaryju), adnak, u adroźnieńnie ad vikarnaha biskupa, maje prava zamiaščać ardynaryja padčas jaho adsutnaści. Taksama kaadjutar adrazu aŭtamatyčna stanovicca kiraŭnikom dyjacezii ŭ vypadku adstaŭki abo śmierci ardynaryja.

Faktyčna heta aznačaje, što ksiondz Uładzimir Hulaj budzie słužyć u Hrodzienskaj dyjacezii jak dapamožny biskup i adrazu ŭznačalić dyjaceziju paśla sychodu ŭ adstaŭku ciapierašniaha ardynaryja biskupa Alaksandra Kaškieviča, jakomu ŭ vieraśni spoŭnicca 75 hadoŭ.

Isnuje pradpisańnie Śviatoha Pasadu, u jakim biskupam prapanujecca pry dasiahnieńni ŭzrostu ŭ 75 hadoŭ padać prašeńnie ab adstaŭcy, jak heta było z arcybiskupam Tadevušam Kandrusievičam. Kančatkovaje rašeńnie na hety kont prymaje Papa Rymski.

Ksiondz Uładzimir Hulaj dla miascovych viernikaŭ «svoj» — jon naradziŭsia na Hrodzienščynie ŭ Vaŭkavysku. Ciapier śviatara čakaje ŭračystaje biskupskaje paśviačeńnie i ŭstupleńnie na pasadu.

Cikava, što ŭ maładości ksiondz Uładzimir Hulaj byŭ hitarystam i vakalistam — mienavita jon stvaryŭ katalicki muzyčny hurt AVE, ciapierašni kalektyŭ hrodzienskaj sieminaryi.

Čytajcie taksama:

Katalickija manaški ŭ Minsku zładzili na Vialikdzień prabieh na samakatach 

Kiraŭnik Katalickaha kaścioła ŭ Biełarusi ŭ malitvie zhadaŭ śviataroŭ, jakija znachodziacca ŭ źniavoleńni i jakija vymušanyja byli emihravać

U centry Minska prajšoŭ Kryžovy šlach FOTAREPARTAŽ

U Čyrvonym kaściole abiacali ŭ pieršym kvartale pačać budaŭničyja raboty. Što z hetym ciapier?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
2
Ха-ха
5
Ого
4
Сумна
6
Абуральна
5
0
Cikava/adkazać/
05.04.2024
Naviednik lidskaj Fary, z vaŭkami žyć - pa voŭčy vyć?
0
Chuč/adkazać/
05.04.2024
Naviednik lidskaj Fary, liznuć ža nada.
0
Biełarus/adkazać/
05.04.2024
A što nam z taho? Katalickaja Ce i Bepece zhańbili siabia pierad biełarusami kančatkova
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930