Aryna Sabalenka padziakavała prychilnikam za padtrymku ŭ ciažki čas
Druhaja rakietka śvietu padziakavała zaŭziataram za padtrymku paśla śmierci jaje byłoha kachanaha Kanstancina Kalcova. Heta druhi jaje dopis paśla trahiedyi.
«Ja chaču skarystacca momantam i padziakavać usim svaim zaŭziataram za patoki vašaj lubovi i padtrymki ŭ hety ciažki pieryjad. Vašy słovy mnohaje značać, ja zachoŭvaju ich u sabie kožny dzień. Ja vielmi ŭdziačnaja vam usim», — napisała jana ŭ storys u svaim instahramie.
Pra raptoŭnuju śmierć jaje byłoha kachanaha Kanstancina Kalcova stała viadoma 19 sakavika. Eks-forvard zbornaj Biełarusi pa chakiei i trenier «Sałavata Jułajeva» zahinuŭ u hateli ŭ Majami, kudy pryjechaŭ na tenisny turnir Aryny — jon upaŭ z vyšyni.
Sabalenka nie stała zdymacca z tenisnaha turniru, ale prajšła tolki adzin raŭnd.
Čytajcie taksama:
Sabalenka pra hibiel Kalcova: Choć my bolš nie byli razam, majo serca raźbitaje
«Jon pasvaryŭsia». Pieršy trenier Kalcova ličyć, što jaho hibiel źviazanaja ź siamiejnymi prablemami
