Siłaviki raskazali, jak skarystali ŭ svaich intaresach siamiejnuju dramu
Adzin z praŭładnych telehram-kanałaŭ paviedamiŭ pra zatrymańnie mužčyny, jaki šantažavaŭ byłuju žonku mahčymaściu «źlivu» infarmacyi pra jaje ŭdzieł u pratestach 2020 hoda. Ale ŭ vyniku, jak śćviardžajecca, jon naklikaŭ biadu na samoha siabie.
Na kamieru mužčyna havoryć, što takim šantažom jon nibyta chacieŭ urehulavać sprečku pry padziele majomaści paśla razvodu. List z fotazdymkami byłoj žonki z pratestaŭ mužčyna adpraviŭ na jaje pracu. Ale žančyna zhulała na apiaredžańnie: pryjšła ŭ milicyju dobraachvotna i pryznałasia, što ŭdzielničała ŭ pratestach, ale razam z byłym mužam.
Paśla taho žančynu nibyta adpuścili, a mužčynu zatrymali, dakinuŭšy jamu na słovach aprača palityčnych artykułaŭ jašče i abvinavačvańni ŭ niezakonnym zachoŭvańni zbroi i bojeprypasaŭ.
Pa jakim mienavita artykule mužčyna ŭsio ž zatrymany i dzie ciapier znachodzicca, nieviadoma.
Čytajcie taksama:
Za kamientary pra «Krokus Sici Choł» zatrymali žychara Ščučyna
Asudžanaha na 19 hadoŭ palitviaźnia pa «spravie anarchistaŭ» znoŭ buduć sudzić
