Łukašenka nastojliva rujnuje pucinskuju teoryju pra ŭkrainski śled u terakcie ŭ «Krokusie»
Alaksandr Łukašenka 26 sakavika, adkazvajučy na pytańni žurnalistaŭ, raskazaŭ svaju viersiju ŭzajemadziejańnia z Uładzimiram Pucinym i na ŭzroŭni śpiecsłužbaŭ pry zatrymańni asob, jakija ŭčynili terakt u Padmaskoŭi. Jaho raskaz nie ŭkładajecca ŭ schiemu, prydumanuju Pucinym.
Łukašenka stanoŭča acaniŭ uzajemadziejańnie z rasijskim bokam, adznačyŭšy, što apieracyja pa zatrymańni była arhanizavana i vykanana vielmi jakasna.
Pavodle jaho słoŭ, u Biełarusi ź pieršych ža chvilin paśla zdareńnia byli pryniaty asablivyja miery biaśpieki, na ŭzroŭni śpiecsłužbaŭ dziejničali pa zahadzia vyznačanym ałharytmie.
U tym liku i z hetaj pryčyny terarysty nie advažylisia jechać u Biełaruś, a rušyli da Ukrainy, skazaŭ Łukašenka.
Rasijski bok katory dzień biazdokazna šukaje ŭkrainski śled u terakcie.
Pucin prydumaŭ adziny arhumient — terarysty jechali ŭ bok Ukrainy, u ich tam «było akno». 25 sakavika jon zajaviŭ, što treba adkazać na pytańnie, «čamu terarysty paśla ździajśnieńnia złačynstva sprabavali syści mienavita na Ukrainu, chto ich tam čakaŭ».
Čytajcie taksama:
«Kaniečnie, Ukraina». Patrušaŭ adkazaŭ, chto datyčny da teraktu ŭ «Krokusie»
Piaskova spytali nakont katavańniaŭ zatrymanych za terakt u «Krokusie»
Čamu terarystam dali ŭciačy da branskich lasoŭ? Voś što prydumali ŭ apraŭdańnie siłavikoŭ
Pucin pra ŭdzielnikaŭ teraktu: Jany sprabavali ruchacca ŭ bok Ukrainy
