«Kapiec. Stydoba!» Tyktok parvała videa žančyn kala kavavaha aŭtamata ŭ Baranavičach
U tyktoku apublikavali videa, u jakim pakazali «advarotny bok kaviarni samaabsłuhoŭvańnia». Na roliku, źniatym, vidavočna, schavanymi kamierami, trapili dźvie biełaruski, jakija navažylisia skarystacca ź situacyi i sioje-toje skraści, zaŭvažyła vydańnie Telegraf.news.
«Voś takija byvajuć klijenty», — napisali aŭtary apublikavanaha videa ŭ sacyjalnaj sietcy.
Na roliku možna zaŭvažyć, jak dźvie žančyny, stojačy kala aŭtamata z kavy, aktyŭna zhrabajuć płastykavyja trubački, pałački dla raźmiešvańnia i, napeŭna, cukar. Usio toje, što vykładajecca biaspłatna kala viendynhavych aparataŭ.
Na situacyju źviarnuli ŭvahu minaki, ale ŭčynak biełarusak ich nie źbiantežyŭ, a naadvarot, raźviesialiŭ. Rolik sabraŭ amal 300 tysiač prahladaŭ i bolš za 900 kamientaroŭ.
U kamientarach, karystalniki vykazvali niezadavalnieńnie dy abureńnie.
«I ludzi hetaha pakaleńnia vučać nas žyćcia! Miesca im sastupi, u čarzie prapuści! Moładź drennaja, a jany dobryja. Kapiec. Stydoba!» — aburyłasia adna z karystalnic.
Inšyja kamientatary dzialilisia padobnymi situacyjami z ułasnaha dośviedu.
Čytajcie taksama:
Biełaruscy prapanavali zarabić 18 tysiač rubloŭ za karotki taniec. I jana spraviłasia
«Lehiendarnaja jama. Dzied pra jaje raskazvaŭ». U Maładziečnie mašyna pravaliłasia pad asfalt
Žančyna ŭ biełaruskaj vioscy razvodzić kurej, jakija niasuć zialonyja i błakitnyja jajki
