Stali viadomyja padrabiaznaści siońniašniaha DTZ u Minskim rajonie, praź jakoje ŭtvaryŭsia 5-kiłamietrovy zator
Avaryja z udziełam čatyroch aŭtamabilaŭ adbyłasia ŭ Minskim rajonie, paciarpieŭ adzin čałaviek, paviedamlaje UUS Minabłvykankama.
Siońnia ŭ 7:05 36-hadovy žychar Dziaržynskaha rajona, kirujučy aŭtamabilem Lada, ruchaŭsia ŭ bok Minska pa R-1. Jon nie spraviŭsia z kiravańniem i najechaŭ na raździalalnuju aharodžu. Paśla zjechaŭ u kiuviet, dzie pierakuliŭsia.
U 7:10 33-hadovaja žycharka Bresckaj vobłaści, kirujučy aŭtamabilem Ford, ubačyła, što adbyłosia DTZ i pačała tarmazić, adnak taksama nie spraviłasia z kiravańniem, najechała na raździalalnuju aharodžu i spyniłasia na prajeznaj častcy darohi.
30-hadovaja žycharka Dziaržynskaha rajona, jakaja ruchałasia za aŭtamabilem Ford, kirujučy aŭtamabilem Geely, taksama pačała tarmazić, jak i nastupnaja za joj 43-hadovaja minčanka na aŭtamabili Peugeot.
Tut užo apošniaja nie spraviłasia z kiravańniem, najechała na raździalalnuju aharodžu, paśla čaho jaje aŭtamabil adkinuła ŭ aŭtamabil Geely.
U vyniku paciarpieła vadziciel aŭtamabila Geely, jana była dastaŭlena va ŭstanovu achovy zdaroŭja.
Čytajcie taksama:
Surjoznaja avaryja pad Minskam. Utvaryŭsia 5-kiłamietrovy zator
Minski mietrapaliten raspavioŭ, kolki čałaviek u im moža schavacca
Stali viadomyja padrabiaznaści DTZ na Niamizie. Paciarpieli 4 čałavieki
