Ułady Rasii i Biełarusi rychtujuć vykarystańnie jadziernaj zbroi i «blickryh na Vilniu» — Sachaščyk
«Ja heta dakładna viedaju». Takuju zajavu pradstaŭnik Abjadnanaha pierachodnaha kabinieta pa abaronie i nacyjanalnaj biaśpiecy zrabiŭ, vystupajučy siońnia ŭ Varšavie na mitynhu, pryśviečanamu Dniu Voli.
Valeryj Sachaščyk. Fota: Ofis Śviatłany Cichanoŭskaj
Jaho słovy cytuje ahienctva «Pozirk».
Pavodle Sachaščyka, «biełaruskija hienierały sa svaimi kalehami z Maskvy malujuć strełki na mapach u bok Vilni», a ŭłady Rasii i Biełarusi spadziajucca, što «cyvilizavany śviet budzie šakavany» takoj eskałacyjaj ahresii i «spynić supraciŭ».
Vykarystańnie jadziernaj zbroi i napad na Litvu Maskva i Minsk płanujuć praź niaŭdačy ŭ vajnie z Ukrainaj, miarkuje pradstaŭnik APK.
«Ja, budučy śpiecyjalistam vajskovym, majučy kamunikacyju z kalehami va ŭsich zachodnich krainach, upeŭnieny na 100%: Rasiju čakaje vialikaja vajennaja katastrofa. Ja ŭpeŭnieny, što rasijskija i biełaruskija hienierały dobra heta adčuvajuć», — adznačyŭ Sachaščyk.
«I moža tak być, što nas usich čakajuć vielmi ciažkija časy. Ale čym ciažejšy šlach, tym daražejšaja pieramoha. Ja ŭpeŭnieny, što jana budzie».
Čytajcie taksama:
Biełarusy za miažoj pačali adznačać Dzień Voli FOTY
Kamu z palitykaŭ najbolš daviarajuć kalinoŭcy? Zianonu Paźniaku
