Ułady pamiežnaha rasijskaha Hrajvarana zaklikali žycharoŭ evakuiravacca
Kiraŭnik Hrajvarana Hienadź Bondaraŭ zaklikaŭ miascovych žycharoŭ «pryniać pravilnaje rašeńnie».
Hrajvaran. Fota: Hienadź Bondaraŭ / Telegram
«Źviartajusia da tych, chto zastaŭsia ŭ akruzie. Situacyja praciahvaje zastavacca napružanaj. Prašu vas pryniać pravilnaje rašeńnie i časova pakinuć terytoryju haradskoj akruhi», — napisaŭ kiraŭnik Hrajvaranskaj haradskoj akruhi.
Jon dadaŭ, što administracyja arhanizuje adjezd, a pryniać biežancaŭ zmohuć u Jarasłaŭskaj vobłaści.
«My starajemsia dastaŭlać pradukty charčavańnia žycharam, ale heta zaležyć ad apieratyŭnaj abstanoŭki. Nastojliva rekamienduju nie padviarhać siabie i svaich blizkich niebiaśpiecy», — dadaŭ Bondaraŭ.
Hrajvaran — samy zachodni horad Biełharodskaj vobłaści. U im pražyvaje kala 6 tysiač čałaviek. Apošnija dva tydni horad, jak i inšyja pamiežnyja nasielenyja punkty pamiežža, atakujuć ukrainskija DRH.
Čytajcie taksama:
Pry abstrele Biełharada paškodžana spartyŭnaja arena
Pucin vyraziŭ zachapleńnie žycharami Biełharada, im paapładziravali
Ź Biełharadskaj vobłaści evakujujuć 9000 dziaciej. Adsialajuć i cełyja vioski
