Kačanava nazvała hety horad Biełarusi turystyčnaj Miekaj
«Ludzi siudy pryjazdžali i buduć pryjazdžać», — kaža staršynia Savieta Respubliki.
Fota: Saviet Respubliki
Natalla Kačanava nazvała Połack turystyčnaj Miekaj. «Ludzi siudy pryjazdžali i buduć pryjazdžać. Tamu tut usio pavinna dychać historyjaj. Kožny abjekt pavinien być u idealnym stanie. Naraŭnie z hetym važna pakłapacicca ab raznastajnaści suvienirnaj pradukcyi, jakoj pavinna być šmat. Jana pavinna być cikavaj, kab kožny zachacieŭ zabrać z saboj suvienir na pamiać», — kaža staršynia Savieta Respubliki, jakaja naradziłasia ŭ Połacku ŭ 1960 hodzie.
Taksama jana praviała naradu pa pytańniach arhanizacyi i praviadzieńnia XI Forumu rehijonaŭ Biełarusi i Rasii, vystupiŭšy z prapanovaj: zaprasić moładź z haradoŭ-pabracimaŭ Viciebskaj vobłaści i Rasijskaj Fiederacyi dla ŭdziełu ŭ mierapryjemstvach, prymierkavanych da Foruma.
«Im treba budzie abaviazkova pakazać našy muziei, słavutaści», — adznačyła staršynia Savieta Respubliki.
Rasijskaja delehacyja płanuje prybyć u paŭnočny rehijon 25 sakavika, kab acanić hatoŭnaść budučych placovak i ŭsioj infrastruktury va ŭsich haradach, dzie budzie prachodzić Forum rehijonaŭ Biełarusi i Rasii.
Čytajcie taksama:
Kačanava praśpiavała Łukašenku čarhovy paniehiryk
Natalla Kačanava raskazała moładzi, jakaja jana ź dziacinstva
