Dźmitryj Miadźviedzieŭ prydumaŭ kartu padziełu Ukrainy
Namieśnik staršyni Rady biaśpieki i eks-prezident Rasii Dźmitryj Miadźviedzieŭ, vystupajučy na marafonie «Viedy. Pieršyja», pakazaŭ nibyta «novuju» kartu Uschodniaj Jeŭropy, na jakoj častki ciapierašniaj Ukrainy znachodziacca ŭ składzie inšych dziaržaŭ.
Na karcie bačna, što Vińnickaja vobłaść nibyta moža akazacca ŭ składzie Rumynii, Užharad — Vienhryi, Polšča nibyta atrymaje Lvoŭ, Ivana-Frankoŭsk i Žytomir, a astatnija rehijony dałučacca da Rasii.
Na ilustracyi Adesa, Mikałajeŭ, Čarkasy, Čarnihaŭ, Pałtava, Dniepr, Zaparožža, Sumy, Chierson uvachodziać u skład RF. Niepryznanaje Prydniastroŭje na hetaj karcie taksama ličycca za Rasijaj.
Ukrainie ž, zhodna z hetaj kartaj, zastaniecca nievialiki kavałak terytoryi z centram u Kijevie.
«Rasii treba iści ciapierašnim šlacham. Histaryčnyja častki krainy pavinny viarnucca dadomu», — reziumavaŭ namieśnik staršyni Rady Biaśpieki.
