Znajści
Ałharytmičny łacinski varyjant
01.03.2024 / 11:057RusŁacBieł

Rasija chacieła, kab Biełaruś była adnym z «harantaŭ» niejtralnaści razzbrojenaj i kastryravanaj Ukrainy — apublikavanyja dakumienty 2022 hoda

Što Kreml prapanoŭvaŭ Ukrainie dla zaviaršeńnia vajny? Jakuju «mirnuju damovu» łabiravaŭ i łabiruje Alaksandr Łukašenka? Amierykanskaje vydańnie The Wall Street Journal apublikavała prajekt mirnaj damovy, prapanavany rasijskaj delehacyjaj na Stambulskich pieramovach u krasaviku 2022 hoda.

Pieramovy delehacyj Rasii i Ukrainy pad Homielem. 28 lutaha 2022 hoda. Fota Sergei Kholodilin/BelTA Pool Photo via AP

Maskva patrabavała nastupnaha.

— Ukraina mieła stać «pastajanna niejtralnaj dziaržavaj, jakaja nie ŭdzielničaje ŭ vajskovych błokach».

— Ukrainie mieli zabaranić atrymlivać zamiežnuju zbroju.

— Uzbrojenyja siły Ukrainy mieli być skaročanyja da 85 tysiač vajskoŭcaŭ, 342 tankaŭ i 519 artyleryjskich harmat (dla paraŭnańnia: rasijskaja armija mieła pa stanie na pačatak 2022 hoda 0,9 miljona vajskoŭcaŭ, bolš za 5000 tankaŭ i mnohija tysiačy adzinak artyleryi). Dalokaść dziejańnia ŭkrainskich rakiet mieła być abmiežavanaj 40 kiłamietrami. 

— Krym mieŭ zastacca ŭ składzie Rasii.

— Rasijskaja mova pavinna była stać dziaržaŭnaj.

— Pytańnie pra budučyniu akupavanych terytoryj u prajekt uklučanaje nie było. Pytańnie pakinuli na mierkavańnie Pucina i Zialenskaha padčas asabistych pieramovaŭ. Ale heta aznačała, što ŭ realnaści jany — u tym liku horad Chierson — zastavalisia ŭ składzie Rasii, bo jak ža ich mahła viarnuć abiazzbrojenaja i prynižanaja Ukraina?

«Prajekt pakazvaje, što Ukrainie pahražała pieratvareńnie ŭ kastryravanuju dziaržavu», — piša The Wall Street Journal.

Harantami takoj «niejtralnaści» mieli stać Rasija, ZŠA, Francyja, Hiermanija, Kitaj. Maskva nastojvała na ŭklučeńni ŭ śpis harantaŭ i Biełarusi — što aznačała b lehitymizacyju režymu Alaksandra Łukašenki, z dapamohaj jakoha ŭ 2022 hodzie adbyłosia ŭvarvańnie va Ukrainu, Kijeŭ, u svaju čarhu, ad pačatku chacieŭ uklučeńnia ŭ śpis harantaŭ Turcyi.

Faktyčna, toje, što prapanoŭvała Maskva, nahadvała Miunchienskija pahadnieńni 1938 hoda pa Čechasłavaččynie, u vyniku jakich kraina była abiazzbrojenaja i ŭ jaje zabranyja stratehična važnyja terytoryi ź niamieckaj mienšaściu. Paśla hetaha kančatkovaja akupacyja nacystami biezabaronnaj i maralna razdušanaj krainy była tolki pytańniem času, što i zdaryłasia ŭ 1939 hodzie.

Tady Bienita Musalini adyhryvaŭ rolu, padobnuju da toj, jakuju advioŭ sabie Alaksandr Łukašenka ŭ 2022-m. Adnak, u adroźnieńnie ad Čechasłavaččyny, Ukraina i jaje prezident Uładzimir Zialenski vybrali supraciŭleńnie, i Zachad nie pajšoŭ na zhavor.

Prezident Ukrainy Uładzimir Zialenski naviedvaje vyzvaleny Chierson. 14 listapada 2022 hoda. Fota Ofisa prezidenta Ukrainy

Pieramovy ŭ Stambule adbyvalisia ŭžo paśla pieršaha razhromu intervientaŭ pad Kijevam, Charkavam i Čarnihavam, kali stała jasna, što Ukraina vytrymała pieršy ŭdar, adnak było jašče niezrazumieła, ci zmoža jana vytrymać daŭžejšuju vajnu i rasijskija vojski praciahvali nastup na poŭdni.

Čytajcie taksama:

«My adviali vojski ad Minska». Niečakanaja ahavorka Pucina

Insajd ad Marzaluka: padčas stambulskich pahadnieńniaŭ Rasija prapanoŭvała Ukrainie ŭvieści trochmoŭje

Budanaŭ pra zvalnieńnie Załužnaha: Kali ŭsio było vydatna, to čamu my tam, dzie jość?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
29
Панылы сорам
3
Ха-ха
1
Ого
0
Сумна
4
Абуральна
22
2
Voś/adkazać/
01.03.2024
Heta čarhovy raz pakazvaje, što z maskovijaj uvohule nie varta vieści anijakija pieramovy dy padpisvać damovy. Anałohičnuju domovu, Budapiešcki miemarandum, z padobnymi harantyjami i składam čalcoŭ-harantaŭ biaśpieki, užo padpisvali ŭ 90-ch, tolki hetym razam pucin jašče vyrašyŭ dałučyć svajho saŭdzielnika. Faktyčna jak i hitler z musalini ŭ svoj čas spačatku vystavili patrabavańni ab niejtralnaści dy być razzbrojenaj, a potym całkam akupavali źniasilenuju Čechasłavaččynu. Chacia čamu ździŭlacca, pucin daŭno kapiruje svojho kumira hitlera, jak pavodzinami, palitykaj, simvałami, tak i biesčałaviečnymi i złačynnymi dziejańniami - pucinskaja lutaŭskaj pramova na 80% adpaviadaje miunchienskaj pramovie hitlera, pucinskaja z svastyka takaja ž jak i ŭ nacysckich padroździełaŭ ss, a rašysckaja palityka i ździejśnienyja rašystami złačynstvy, dyk uvohule ŭžo całkam adpaviałabć nacysckim. 
01.03.2024
Niekarektnaje paraŭnańnie. Musalini nie źniščaŭ italijskuju movu i kulturu, nie aniamiečvaŭ krainu, nie źniščaŭ symboli i italijskuju nacyjanalnuju samaśviadomaść.
0
Fiedzia/adkazać/
01.03.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera