Znajści
Ałharytmičny łacinski varyjant
01.03.2024 / 10:351RusŁacBieł

Bujny pieravozčyk raskazaŭ, što z rejsami i cenami paśla zakryćcia dvuch pamiežnych pierachodaŭ na miažy ź Litvoj

Z 1 sakavika Litva zakryła jašče dva punkty propusku na miažy ź Biełaruśsiu. Pradstaŭniki servisu «Atłas» patłumačyli Office Life, jak prypynieńnie pracy «Pryvałki» i «Katłoŭki» adabjecca na pasažyrach, jakija jeździać u susiednija krainy ES

Zakrytaja «Pryvałka». Fota: Jandeks-karty

U kampanii ŭdakładnili, što ŭnieśli źmieny ŭ maršruty ŭ Litvu i Polšču. Tak, rejsy z Hrodna ŭ Vilniu i Kaŭnas, a taksama aŭtobusy Hrodna — Biełastok — Varšava i Minsk — Lida — Hrodna — Biełastok — Varšava — aeraport Šapena ciapier jeduć praz punkt propusku «Bieniakoni».

Častku maršrutaŭ z Hrodna i Minska ŭ Biełastok i Varšavu nakirujuć praz punkt propusku «Brest» («Varšaŭski most»). Pry hetym na niekatorych mižnarodnych maršrutach ź Minska vyklučyli zajezdy ŭ Hrodna

Što tyčycca koštu pajezdak, u kampanii paćvierdzili, što kvitki padaražejuć. Asnoŭnaja pryčyna: dla mnohich maršrutaŭ pavialičycca prabieh.

Naprykład, aŭtobus z Hrodna, jaki idzie ŭ Biełastok abo Varšavu, budzie rabić kruh u niekalki sotniaŭ kiłamietraŭ, bo zamiest punkta propusku «Pryvałka» miažu ciapier treba pierasiakać u «Bieniakoniach». U vyniku istotna rastuć vydatki na paliva.

Akramia taho, dadali pradstaŭniki «Atłasa», zakryćcio punktaŭ propusku moža adbicca na kolkaści rejsaŭ. Kali ich stanie mienš, popyt na tyja maršruty, što zastalisia, uzraście. Reakcyja na pavyšany popyt ad pieravozčykaŭ — bolš vysokija ceny na kvitki.

Čytajcie taksama:

Što ciapier robicca na prapusknych punktach na vyjezd ź Biełarusi ŭ krainy ES

Rezka padaraželi kvitki na aŭtobusy ź Minska ŭ Varšavu i Vilniu. Što adbyłosia?

«Mnohija spadziajucca na chutkaje adkryćcio «Bruzhoŭ». Što kažuć hrodziency pra žyćcio ŭ «abłozie»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
2
Ого
1
Сумна
4
Абуральна
3
2
Vład/adkazać/
01.03.2024
Nutyk chiba tak i treba.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera