Znajści
Ałharytmičny łacinski varyjant
29.02.2024 / 14:269RusŁacBieł

U Biełarusi pračnulisia suśliki. Ciapier užo dakładna zimy nie budzie

U hetym hodzie hryzuny pračnulisia zanadta rana, minuły raz jany vyjšli z anabijozu na miesiac paźniej. Naturalist Siarhiej Šokała miarkuje, što heta samaje rańniaje abudžeńnie za historyju nazirańniaŭ. Ale ci nie škodna tak rana ŭstavać? Jany nie źmierznuć u sakaviku, piša Onliner.by.

Krapčaty suślik kaliści ŭ vialikaj kolkaści žyŭ u Biełarusi, ličyŭsia škodnikam, byŭ piersanažam multfilmaŭ, jaho pamiatajuć navat nie zusim staryja ludzi. Potym źnik pad naporam ahraryjaŭ, technałohij, chimii. Ciapier zaniesieny ŭ Čyrvonuju knihu: treciaja katehoryja achovy (z čatyroch mahčymych), farmalna «nie znachodzicca pad pramoj pahrozaj źniknieńnia, ale schilny ryzycy vymirańnia ŭ niedalokaj budučyni».

Siarhiej Šokała kuryruje apošnich suślikaŭ krainy, sočyć na dynamikaj. Hetyja zdymki zroblenyja 27 lutaha ŭ Niaśvižskim rajonie kala vioski Jušavičy. Tam raźmiaščajecca hałoŭnaja Susłandyja. Niadaŭna takich kałonij u nas było bolš za dziasiatak, ciapier faktyčna zastałosia čatyry.

Tut paziruje mahutny samiec: myšcy, vočy harać, huba parvanaja ŭ advažnych paboiščach. Pierazimavaŭ paśpiachova.

Na pavierchni pakul nie vielmi šmat źviarkoŭ, Siarhiej kaža, što pieršymi pračynajucca samyja mocnyja, jakija lahli krychu raniej. Astatnija jašče śpiać.

Naohuł, u hetyja terminy suśliki vychodziać ź śpiački dzieści na šyracie Adesy, — tłumačyć bijołah. — Dla nas heta zanadta rańniaje abudžeńnie, samaje rańniaje za historyju nazirańniaŭ. Ale nie dumaju, što heta drenna adabjecca na ich: navat kali ŭ sakaviku buduć lohkija marazy, takoje pachaładańnie jany lohka pieražyvuć.

Dziakujučy ciopłamu lutamu karmavaja baza ŭžo padrychtavana. Suśliki aktyŭna žujuć zialonuju travu. Zimie kaniec.

Čytać taksama:

Sinoptyki raskazali pra nadvorje na pieršyja dni viasny

U Babrujsku ŭžo źjavilisia pieršyja hryby, a ŭ Breście raśćvili padśniežniki

Paśla zimovaj śpiački ŭ Biełarusi ŭžo pračnulisia klaščy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
0
Ха-ха
0
Ого
3
Сумна
1
Абуральна
1
0
Tekla/adkazać/
29.02.2024
I vožyki ŭžo pračnulisia ŭ maim dvary... Biehajuć nočču. Padjadajuć korm za kocikami, vadzičku pjuć
0
Emma/adkazać/
01.03.2024
Maksimka, vali v Malinovku, tam korči podiešievieli ))))
0
Maksim Dizajnier/adkazać/
01.03.2024
Tekla

Hłaunaje, kab kocikav bolšie čym vožikau nie stała. A silnaść i nizavsimaść pałamacca mohut.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera