Znajści
Ałharytmičny łacinski varyjant
29.02.2024 / 14:002RusŁacBieł

Minčanku zabrali na «sutki» za bieł-čyrvona-bieły ściah na aknie

Žycharku Minska, supracoŭnicu adnoj z ustanoŭ adukacyi, zatrymali ŭ jaje kvatery i abvinavacili ŭ vyviešvańni bieł-čyrvona-biełaha ściaha na aknie. Sud adpraviŭ jaje pad administracyjny aryšt, piša «Lusterka».

Ilustracyjnaje fota

Jak skazana ŭ pratakole pa častcy 1 artykuła 24.23 KaAP, minčanka 14 studzienia ŭ 21.43 «Publična demanstravała z akna doma … bieł-čyrvona-bieły ściah, što stała dastupnym nieabmiežavanamu kołu asob».

Tym samym, pavodle viersii milicyi, žančyna «praviała masavaje mierapryjemstva — pikietavańnie, na praviadzieńnie jakoha nie byŭ atrymany adpaviedny dazvoł Minharvykankama». U spravie majecca pratakoł ahladu «akna i kvatery», padčas jakoha byŭ znojdzieny ściah.

Na sudzie, jaki adbyŭsia čamuści praź miesiac — 15 lutaha, minčanka pryznała vinu i skazała, što paviesiła bieł-čyrvona-bieły ściah na akno ŭ svaim pakoi znutry.

Sud pryznaŭ jaje vinavataj u niesankcyjanavanym pikietavańni i pryznačyŭ joj 14 sutak administracyjnaha aryštu.

Lusterka adznačaje, što nieviadoma, ci paviesiła žančyna ściah samastojna. Z historyj palitviaźniaŭ viadomyja vypadki, kali siłaviki, kab mieć nahodu aryštavać patrebnaha im čałavieka i adpravić na «sutki», prychodzili da jaho dadomu, sami viešali ściah, rabili fota — i heta zatym stanaviłasia materyjałami administracyjnaj spravy. Takija pratakoły mohuć iści ŭ chod i ŭ tych vypadkach, kali ludzi ŭžo znachodziacca na Akreścina, ale siłaviki chočuć pakinuć ich na jašče adzin «termin» i arhanizujuć novyja sudy.

@nashanivanews U Minsku abłava na advakataŭ. Prychodzili da 10 čałaviek. Nakolki viadoma, rejd zładziŭ KDB #advokat#minsksiejčas#minsk#biełaruś#biełaruśnovosti#novostibiełarusi#našaniva#biełaruskityktok#vminskie♬ Paris - Else

Čytajcie taksama:

U Hrodnie mužčyna prynios kvietki i fota Navalnaha da konsulstva Rasii. Jaho sudzili

U Navapołacku mužčynu aryštavali za stary dopis pra hibiel Ramana Bandarenki

Pastaru z Novałukomla dali za malitvu za Ukrainu 15 sutak

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
2
Абуральна
8
4
Viełkom tu jusej/adkazać/
29.02.2024
Chorošieje načało dla kiejsa po ubiežiŝu. Vsio pravilno sdiełała. Tut užie łoviť niečieho. Skoro za aniekdoty budut sažať. Biehitie hłupcy
0
chtości/adkazać/
01.03.2024
Viełkom tu jusej, u lusterka na scykuna hladzieć jašče nie soramna?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera