Znajści
Ałharytmičny łacinski varyjant
29.02.2024 / 13:202RusŁacBieł

«Dobra, što choć zatrymali na vulicy i byŭ u adzieńni». 74-hadovy mužčyna ź Mikaševičaŭ vyjšaŭ na volu paśla 15 sutak

Jašče i ździorli 300 rubloŭ za servis na «sutkach», amal pałovu piensii.

74-hadovy Anatol Pryščyk ź Mikaševičaŭ vyjšaŭ na volu paśla 15 sutak aryštu. Padrabiaznaści raspavioŭ bieraściejskaj «Viaśnie» jahony syn Vital. Piensijanier Anatol Pryščyk adbyvaŭ svoj aryšt u izalatary časovaha ŭtrymańnia Łuninieckaha RAUS.

Siadzieŭ stary čałaviek na žorstkim režymie, jak dla ŭsich palityčnych: biez paścielnych prynaležnaściaŭ, ni matraca, ni paduški, ni koŭdry nie było vydadziena.

Z pradmietaŭ hihijeny taksama ničoha nie davali i nie ŭziali pieradaču ŭ dački z hetym. Naohuł nie ŭziali ni ciopłaha adzieńnia, ni praduktaŭ, ni vady, tolki tabletki i akulary. Dva tydni biez prahułak, biez duša. Dobra, što zatrymali na vulicy, kali piensijanier byŭ u ciopłaj vopratcy — u joj usie 15 sutak spaŭ na žaleznych pałoskach nar.

Unačy dvojčy padymali, kab stary i dvoje inšych palityčnych vyhuknuli, chto jany i pa jakim artykule adbyvajuć pakarańnie. Dniom treba było vysunuć ruki ŭ «karmušku» trojčy, kab nadzieli kajdanki, zatym vyvodzili ŭ kalidor, stavili la ściany z toj ža spravazdačaj.

Za taki servis na «sutkach» chvoramu piensijanieru treba jašče budzie zapłacić 300 rubloŭ, amal pałovu piensii.

Były siabra Biełaruskaj sacyjał-demakratyčnaj partyi (Hramada) i aktyvist Anatol Pryščyk byŭ zatrymany 12 lutaha. Paźniej jaho asudzili pa č.2 art.19.11 KoAP (Raspaŭsiud ekstremisckich materyjałaŭ) za kolišnija łajki ŭ «Adnakłaśnikach» pad infarmacyjaj pra ziamlačku Śviatłanu Cichanoŭskuju, jakaja rodam ź Mikaševičaŭ. Sudździa Viktoryja Žuk nie źviarnuła ŭvahi na miedyčnyja zaklučeńni ab ciažkich zachvorvańniach Anatola Pryščyka, taksama praihnaravała i chadajnictva ab drennym stanie zdaroŭja jaho žonki, jakoje było dałučana da spravy.

@nashanivanews U Minsku abłava na advakataŭ. Prychodzili da 10 čałaviek. Nakolki viadoma, rejd zładziŭ KDB #advokat#minsksiejčas#minsk#biełaruś#biełaruśnovosti#novostibiełarusi#našaniva#biełaruskityktok#vminskie♬ Paris - Else

Čytajcie taksama:

U Hrodnie mužčyna prynios kvietki i fota Navalnaha da konsulstva Rasii. Jaho sudzili

Znoŭ zatrymali lekara Rusłana Badamšyna

Volhu Brycikavu z «Naftana» buduć sudzić u zakrytym režymie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
1
Ха-ха
0
Ого
0
Сумна
3
Абуральна
34
0
Oleh/adkazać/
29.02.2024
[Red. vydalena]
0
Woodoo Cult /adkazać/
06.03.2024
[Red. vydalena]
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031