«Vybar užo zrobleny». Prankier Bochan pravioŭ novuju akcyju
Biełaruski mastak-akcyjanist Uładzisłaŭ Bochan pravioŭ u rasijskich škołach čarhovuju akcyju, hetym razam pad nazvaj «Vybar užo zrobleny. Akt 2». Jon pradstaviŭsia davieranaj asobaj Uładzimira Pucina i paprasiŭ rasijskich nastaŭnikaŭ raźmiaścić abjavy ab sustrečy ź im u škole.
Sutnaść akcyj Uładzisłava Bochana — jon dasyłaje na elektronnyja adrasy škoł ad imia roznych dziaržaŭnych orhanaŭ patrabavańnie ŭ niejki termin pravieści ŭ svajoj ustanovie tuju ci inšuju ideałahičnuju akcyju, jakaja nibyta pravodzicca va ŭsioj krainie ci asobnym rehijonie, a ŭ jakaści paćviardžeńnia vykanańnia zahadu dasłać na hety adras adpaviednyja fota.
Hetym razam na razvod prankiera pavialisia nastaŭniki škoł №14 i 15 u Juhry (Kiemieraŭskaja vobłaść). Ich nie źbiantežyŭ navat QR-kod na płakacie, jaki viadzie na kanał Bochana.
«Płakat «davieranaj asoby» z takoj traktoŭkaj «našaha prezidenta» z maim hordym abliččam moh by vyklikać padazreńni — heta raz. Ja padpisaŭsia svaim imieniem — dastatkova ŭvieści zapyt u Huhł i stała b usio jasna — dva. Prosta na płakacie byŭ QR-kod sa spasyłkaj na moj kanał. Ale…» — napisaŭ Bochan pra akcyju.
Čytajcie taksama:
Telehram-kanał mastaka Bochana, viadomaha svaimi prankami, pryznali «ekstremisckim»
