Znajści
Ałharytmičny łacinski varyjant
27.02.2024 / 21:262RusŁacBieł

Byłoha treniera Kryściny Cimanoŭskaj adchilili na piać hadoŭ ad sportu za skandał na Alimpijadzie-2020

Dyscyplinarny trybunał (Athletics Integrity Unit) adchiliŭ biełaruskaha treniera Juryja Maisieviča ad sportu na 5 hadoŭ za parušeńnie pravoŭ biełaruskaj lohkaatletki Kryściny Cimanoŭskaj na Alimpijadzie-2020 u Tokia. Trybunał vyznačyŭ, što Maisievič parušyŭ standarty pavodzin, ustanoŭlenyja Kodeksam etyki, paviedamiła Narodnaje antykryzisnaje ŭpraŭleńnie.

Havorka idzie pra byłoha treniera biahuchi Kryściny Cimanoŭskaj, jakuju členy biełaruskaj delehacyi zmušali pakinuć Alimpijskija Hulni ŭ Tokia. Sprava ab parušeńni etyki była pieradadziena ŭ AIU Mižnarodnym alimpijskim kamitetam (MAK) i Mižnarodnaj asacyjacyjaj lohkaatletyčnych fiederacyj (World Athletics) 30 vieraśnia 2021 hoda. U studzieni 2023 hoda Maisieviču było vystaŭlena abvinavačvańnie ŭ parušeńni Kodeksa etyki World Athletics.

Dyscyplinarny trybunał vyznačyŭ, što Juryj Maisievič parušyŭ standarty pavodzin, ustanoŭlenyja Kodeksam etyki, pakolki jaho dziejańni byli pryznanyja «vidavočnaj abrazaj hodnaści spartsmiena i złoŭžyvańniem […] uładaj». 

Z 2021 hoda razhlad dyscyplinarnaj spravy pa abaronie pravoŭ Kryściny Cimanoŭskaj i pryciahnieńni da adkaznaści spartyŭnaha funkcyjaniera supravadžali jurysty Narodnaha antykryzisnaha ŭpraŭleńnia.

Kryścina Cimanoŭskaja padčas Alimpijskich hulniaŭ u Tokia ŭ 2021 hodzie raskrytykavała kiraŭnictva biełaruskaj kamandy za toje, što jaje razam ź inšymi spartoŭkami chacieli pastavić biehčy estafietu na toj dystancyi, jakuju jana nikoli nie biehała. Paśla taho jaje adchilili ad spabornictvaŭ i sprabavali vyvieźci ŭ Biełaruś, ale jana admoviłasia pakinuć Japoniju i paprasiła mižnarodnaj abarony. Paźniej spartsmienka pierajechała ŭ Polšču i atrymała hramadzianstva hetaj krainy.

Čytajcie taksami:

Cimanoŭskaja zavajavała srebny miedal na čempijanacie ŭ Polščy

«Heta nie prosta kurortny raman ci momant pomsty». Kryścina Cimanoŭskaja pra razvod i novyja adnosiny

Cimanoŭskaja prabiehła 200 mietraŭ ź simvaličnym vynikam 23.34 i straciła prytomnaść

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
15
Панылы сорам
0
Ха-ха
4
Ого
1
Сумна
2
Абуральна
5
0
Pravdorub /adkazać/
27.02.2024
Konkrietnyj mojšievič! Etich starych pierdunov na zadvorki sporta nužno otpravlať!
0
Tutejšy/adkazać/
28.02.2024
Kacapski parabak niachaj zaraz jedzie da svaich panoŭ z kazkami jak 'našy' suprać Napaleona vajavali.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera