Znajści
Ałharytmičny łacinski varyjant
27.02.2024 / 16:45RusŁacBieł

U Maładziečnie zakryvajuć lalečny teatr, jaki staviŭ «Tutejšych»?

Čynoŭniki niezadavolenyja jaho naviedvalnaściu. Ale zapeŭnivajuć, što teatr budzie isnavać — u inšym farmacie.

Frahmient sa śpiektakla lalečnaha teatra «Batlejka». Fota: batleika.by

Pra namiery zakryć u Maładziečnie teatr lalek stała viadoma z sacyjalnych sietak.

Krynicy, znajomyja ź situacyjaj, adznačajuć, što havorka idzie pra rearhanizacyju, a nie zakryćcio. Kančatkovaje rašeńnie ab losie ŭstanovy jašče nie pryniataje.

Pa niadzielach śpiektakli praciahvajuć pakazvać, a što budzie dalej, kalektyŭ nie viedaje. U bližejšyja vychadnyja pakažuć pastanoŭku «Historyja maleńkaha smaŭža».

«Batlejka» padparadkoŭvajecca Minskamu abłasnomu ŭpraŭleńniu kultury. Čytača «Našaj Nivy» staličnyja čynoŭniki zapeŭnili, što zakryvać teatr nichto nie źbirajecca, ale, mahčyma, jon budzie isnavać «u niejkim novym farmacie».

«Batlejka» zastaniecca adnaznačna i dziciačyja śpiektakli buduć», — cytuje čytač surazmoŭnicu z abłasnoha ŭpraŭleńnia kultury.

U čynoŭnikaŭ da teatra jość pytańni z vykanańniem płana. «Batlejka» — adziny ŭ krainie teatr, jaki nie vykanaŭ jaho za studzień i, vidać, toje ž budzie ŭ lutym, kažuć u abłasnym upraŭleńni.

Čynoŭniki spasyłajucca na ŭkaz Łukašenki, zhodna ź jakim ź biudžetu na padtrymku teatraŭ vydatkoŭvajecca 60 pracentaŭ nieabchodnych srodkaŭ. Astatnija 40 teatr musić zarabić sam.

«Pry hetym u inšych abłaściach iduć lalečnyja śpiektakli biez prablemaŭ, akramia Maładziečna», — daviała čytaču čynoŭnica.

Viadoma, što z kalektyvam sustrakałasia kiraŭnictva abłasnoha upraŭleńnia kultury. Abmiarkoŭvali varyjanty, jak vychodzić ź situacyi. Nie vyklučana, što ŭ kalektyvie źjavicca novy najmalnik.

Letaś, pavodle Reform.by, «Batlejku» za nizkija pakazčyki naviedvańnia źbiralisia pazbavić samastojnaści, abjadnaŭšy ź Minskim abłasnym dramatyčnym teatram, jaki pracuje ŭ Maładziečnie. 

Zadumanaje chacieli ažyćciavić da 1 studzienia 2023 hoda, ale ŭźnikli jurydyčnyja pytańni. Dy i sam kalektyŭ nie ŭzradavaŭsia namieru čynoŭnikaŭ zrabić teatr filijałam inšaj ustanovy.

Pavodle krynic vydańnia «Lusterka», dyrektarka teatra Taćciana Čajeŭskaja zvolniena. Kalektyvu prapanavali znajści bolš efiektyŭnaha kiraŭnika.

***

Teatru lalek «Batlejka» bolš za tryccać hadoŭ. Svaje śpiektakli jon stavić pavodle staradaŭnich tradycyj biełaruskaha mastactva. U jaho darobku bolš za 40 pastanovak. U im stavili «Tutejšych» Janki Kupały.

Teatr nieadnarazova ŭznaharodžvali dypłomami i pryzami na mižnarodnych fiestyvalach teatraŭ. U 2018 hodzie śpiektakl «Siostry Hrai»» byŭ uznaharodžany Nacyjanalnaj teatralnaj premijaj.

«Naša Niva» — bastyjon biełaruščyny

PADTRYMAĆ

Hladzicie taksama:

Lehiendarnuju «Biarozku» kančatkova rusifikavali

Pavieł Łatuška raskazaŭ, jak Piatkievič zabaraniła jamu iści na jubilej Baradulina

«Vierchni pavierch — heta nieba, tam anioły, misteryja, vieščuny». Navapołacki majstar adnaviŭ staražytnuju batlejku

Vasil Vaščyła

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
1
Ха-ха
1
Ого
0
Сумна
4
Абуральна
4
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera