Znajści
Ałharytmičny łacinski varyjant
27.02.2024 / 14:233RusŁacBieł

Navalny viedaŭ pra padrychtoŭku abmienu i daŭ zhodu na jaho — Reuters

Alaksiej Navalny i jaho žonka Julija viedali pra padrychtoŭku abmienu i byli zhodnyja na jaho. Ab hetym piša ahienctva Reuters, spasyłajučysia na ŭłasnuju krynicu, znajomuju z chodam pieramovaŭ. Abmien pavinien byŭ adbycca ŭ siaredzinie lutaha. 

Fota: Beata Zawrzel / NurPhoto via Getty Images

Pavodle vydańnia, abmierkavańnie mahčymaha abmienu viałosia pry ŭdziele rasijskaha biźniesmiena Ramana Abramoviča (pra toje ž uzhadvała ŭ svaim zvarocie paplečnica Navalnaha Maryja Pieŭčych, ale Abramovič joj heta nie paćvierdziŭ i situacyju nijak nie prakamientavaŭ). 

U abmienie ŭdzielničali pradstaŭniki ŭład Rasii i Hiermanii. Pieršapačatkova razmova išła pra abmien karespandenta Wall Street Journal Evana Hierškoviča, abvinavačanaha ŭ Rasii ŭ špijanažy, na supracoŭnika FSB Vadzima Krasikava, jaki adbyvaje pakarańnie ŭ Hiermanii za zabojstva čačenskaha palavoha kamandzira Zielimchana Chanhašvili. 

Pucin hatovy byŭ ździejśnić abmien tolki na Krasikava, adnak ułady Hiermanii admaŭlalisia vydać jaho ŭ abmien na Hierškoviča, ličačy vyzvaleńnie žurnalista «prablemaj amierykancaŭ». 

Kali ŭ jakaści jašče adnoj kandydatury na abmien byŭ nazvany Navalny, pradstaŭniki Hiermanii pahadzilisia, raspavioŭ surazmoŭca ahienctva. 

Maryja Pieŭčych raniej zajaviła, što napiaredadni zabojstva Navalnaha ŭ kałonii pieramovy ab jaho abmienie znachodzilisia ŭ finalnaj stadyi. 

«Ja atrymała paćvierdžańnie ab tym, što pieramovy viaducca i znachodziacca na finalnaj stadyi, uviečary 15 lutaha. 16 lutaha Alaksiej byŭ zabity», — skazała jana. 

Financial Times sa spasyłkaj na krynicy ŭčora napisała, što paśla śmierci Alaksieja Navalnaha ŭ kałonii ŭłady Hiermanii stracili cikavaść da abmienu Krasikava. Ale ž amierykancy pa-raniejšamu buduć sprabavać vyzvalić Hierškoviča i byłoha marskoha piechacinca ZŠA Poła Uiłana.

Alaksiej Navalny pamior 16 lutaha ŭ PK-3 «Palarny voŭk» — pavodle aficyjnaj viersii, jamu nibyta padčas prahułki stała drenna.

Čytajcie taksama:

Vitaŭtas Łandśbierhis: Rasija całkam vyradžajecca, jana niasie čałaviectvu zło, jana — biada i chvaroba

Bajden aficyjna zajaviŭ pra 500 novych sankcyjnych abmiežavańniaŭ suprać Rasii 

Paplečnik Navalnaha nazvaŭ fejkami paviedamleńni pra jaho pachavańnie 29 lutaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
3
Ха-ха
1
Ого
1
Сумна
5
Абуральна
5
1
Mozhoprav/adkazać/
27.02.2024
A vot na fiha on vozvraŝałsia v RF v takom słučaje ? Hłuposť hraničivšaja s idiotizmom.
2
Ahientura na marhiniezie/adkazać/
27.02.2024
Budanaŭ prakałoŭsia, jak i paźniak.
0
chtości/adkazać/
27.02.2024
Mozhoprav,
jak i ŭsurjoz raspaviadać, niby Pujło spačatku dazvoliła było abmien
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031