Znajści
Ałharytmičny łacinski varyjant
27.02.2024 / 18:2210RusŁacBieł

Volha Bondarava ŭstupiła ŭ zavočnuju sprečku z Łukašenkam

Na vybarčym učastku Łukašenka skazaŭ, što jon bačyć budučyniu Biełarusi i Rasii jak «dźviuch suvierennych, niezaležnych dziaržaŭ». Pavodle jaho słoŭ, abjadnańnie ich u adno cełaje ni ŭ Rasii, ni ŭ Biełarusi nie padtrymajuć, i taki krok tolki zrobić horš. Ale viadomaj danosčycy Volzie Bondaravaj takoje bačańnie nie impanuje, u jaje inšyja aŭtarytety. 

Prajšoŭ tolki dzień paśla hetaha vykazvańnia Łukašenki, a Volha Bondarava z zadavalnieńniem pierapościła sabie ŭ kanał śviežy dopis prarasijskaha błohiera «Kapitan Očievidiec», u jakim toj nasupierak ustanoŭkam Łukašenki śćviardžaje:

«Nikoli niekalki ruskich dziaržaŭ nie buduć macniejšymi i bahaciejšymi, čym adna ahulnaja. Jak nie mohuć dvojki paasobku być bolšyja za čaćviorku ŭ prykładzie 2+2=4. Abjadnańnie heta nie kapryz, a šlach da vyratavańnia. U tym liku i demahrafičnaha».

U paćviardžeńnie hetych słoŭ «Kapitan Očievidiec» pierapoščvaje dopis rasijskaha piśmieńnika-prapahandysta Zachara Prylepina, u jakim toj, narakajučy, što da 2050 hoda pavodle demahrafičnych prahnozaŭ nasielnictva Rasii stanie mienšym na 16 miljonaŭ, prapanuje hetu prablemu vyrašyć, pavodle adviečnaj rasijskaj tradycyi, dałučeńniem novych terytoryj. Dałučyć, pavodle jaho, treba i ŭsiu Ukrainu, i ŭsiu Małdovu, taksama možna «ŭźjadnoŭvacca» «z šeraham byłych savieckich respublik, dzie jašče mahčyma reanimavać mižetničnuju kamplimientarnaść z ruskim narodam (možna abmiarkoŭvać u hetym sensie i Armieniju, i Kazachstan, i Uźbiekistan)».

Pavodle słoŭ Prylepina, navat «Prybałtyka pavinna dobraachvotna i radasna viarnuć častku spradviečna ruskich terytoryj… i zabiaśpiečyć nam uźjadnańnie z Kalininhradam».

Što da Biełarusi, to adnosna jaje pry takim raskładzie i pry takich apietytach niama i havorki. Pra jaje 

«ciapier ničoha nie skažam. Nie treba pra jaje ničoha kazać. Prykład ź jaje treba brać».

Čytajcie taksama:

Bondarava ašaleła. «Nam skažuć, što heta narodny vybar. Vybaru naroda niama!» 

Bondarava sprabuje dabicca, kab prypynki ŭ transparcie ahučvali pa-rusku. Jaje paŭsiul adfutbolili

Bondarava niepierakanaŭča apraŭdvajecca za toje, čamu 17 hadoŭ nie pracavała

«Bajusia, što jany hatovyja na ŭsio». Bondarava raskazała, jak joj ciažka žyviecca na biełym śviecie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
25
Ха-ха
15
Ого
4
Сумна
5
Абуральна
81
0
Siaržuk Sucharaŭski/adkazać/
27.02.2024
Počiemu etoj Bondarievoj nikto nie priedjavit. Ona žie otkryto prizyvajet k narušieniju tierritorialnoj ciełostnosti RB likvidacii suvierienitieta i likvidacii hosudarstviennosti. A eto staťja 361 UK RB jeśli čto. Nieužieli za etoj byvšiej kontrabandistkoj stoit sam Putin ?
8
Niejki siur/adkazać/
27.02.2024
Ryhoryč - abaronca niezaležnaści i miakki biełarusizatar, a Bondarava - ahientka Hazprama i Cichanoŭskaj.
0
Maskoŭskaja arda skrała nazvu Ukrainy -- Ruś,/adkazać/
28.02.2024
Bahdan Chmialnicki, typu taho, padpisaŭ niekali "hłybokuju" intehracyju z ardoj  ... Ukrainskija historyki kažuć, što Chmialnicki ničoha nie padpisvaŭ, i ŭsio heta chłuśnia! I papier nijakich nie było i niama! A maskoŭcy kažucu, što Chmialnicki -- padpisvaŭ, ale papiery nie zachavalisia bo mol ich pajeła. A ŭ vyniku što? Ukraina-Ruś na doŭhija stahodździ patrapiła pad  maskoŭski bot. Maskoŭskaja arda  skrała nazvu Ukrainy -- Ruś, usiu jaje historyju, mitalohiju, kulturu i vydaje jaje za svaju. Uziać by taho kniazia Uładzimira, jaki, nibyta, chryściŭ maskavitaŭ, jašče i pomniki jamu nachabna staviać. A dalej i zhadvać nie chočacca.... Revalucyja, Hramadzianskaja vajna, Haładamor, represii, hienacyd... I narešcie vajna na Dambasie, anieksija Kryma, vajna, vajna ...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930