Znajści
Ałharytmičny łacinski varyjant
26.02.2024 / 23:5122RusŁacBieł

Što za dziaŭčyna, jakuju Łukašenka pryabniaŭ na vybarčym učastku?

Na vybarčym učastku Łukašenka prajšoŭsia pa radach z pradukcyjaj biełaruskich vytvorcaŭ. Padčas dehustacyi ŭ kadr patrapiła dziaŭčyna, jakuju jon nazvaŭ Alonaj. Raskazvajem, što za jana.

Alaksandr Łukašenka i Alona Syrova. Skryn videa t.me/pul_1 / Telegram

Na videa vidać, jak padčas naviedvańnia vybarčaha ŭčastka Łukašenka pravodzić dehustacyju pradukcyi. U niejki momant jon kaža, kab jamu bolš nie prapanoŭvali. Ale raptam zaŭvažaje dziaŭčynu, i jaho mierkavańnie mianiajecca.

«Dziaŭčaty, nie prapanoŭvać. Oj, Alona! Alona moža (prapanavać)».

Razam jany padychodziać da pradukcyi, jakuju pradstaviła sietka haścinic «Viktoryja». Na vybar prapanavali pakaštavać chrenavuchu, malinavuju nastojku i nastojku z žuravin. Niezrazumieła, što vybraŭ Łukašenka, ale vidać, jak jon pieralivaje nastojku sa svajho kilišku ŭ kilišak dziaŭčyny.

Tak chto hetaja Alona, ź jakoj Łukašenka vypiŭ?

Uvažlivy hladač paznaje viadučuju STB Alonu Syrovu. Mienavita jaje Łukašenka karmiŭ u žniŭni 2023 hoda, kali sustrakaŭsia z kambajnierami ŭ Bierastavickim rajonie. Tady jon admysłova paklikaŭ dziaŭčynu: «Dzieści tut była Alona Syrova. Turu nie davajcie, jamu nie treba papraŭlacca», — skazaŭ Łukašenka i zaprasiŭ Syrovu da impravizavanaha stała. «Alona, haračaje», — papiaredziŭ Łukašenka.

Alona Syrova abiedaje razam z kambajnierami i Łukašenkam. Skryn videa CTVBYvideo / YouTube

Syrova skončyła fakultet mižnarodnych adnosin BDU pa śpiecyjalnaści «mytnaja sprava». Na druhim kursie jana pryjšła na telebačańnie. Spačatku dziaŭčyna pracavała ŭ prahramie «Staličnyja padrabiaznaści». Paźniej — u prahramie «Karcina śvietu» na «RTR-Biełaruś», jakuju vioŭ tahačasny dyrektar STB Juryj Kazijatka.

Ciapier Syrova źjaŭlajecca samaj maładoj žurnalistkaj puła Łukašenki i zahadčycaj adździeła palityčnych ahladalnikaŭ dyrekcyi infarmacyjnaha viaščańnia Staličnaha telebačańnia. Razam z Kiryłam Kazakovym jana viadzie tok-šou «Pa sutnaści», u čas jakoha vystupaje z roznymi inicyjatyvami. Naprykład, prapanoŭvała zrabić Dzień niezaležnaści pracoŭnym dniom.

Alona Syrova ŭ jakaści viadučaj prahramy «Pa sutnaści». Skryn videa CTVBYvideo / YouTube

U adnym z intervju Syrova adznačyła, što ŭdzieł u pule Łukašenki jaje dyscyplinuje, jana vučycca ŭ kiraŭnika krainy mudraści.

Praŭda, na siońnia ŭ Syrovaj tolki aficyjnaja padziaka ad Łukašenki. Niedachop uznaharod kampiensujecca ciopłymi adnosinami.

Fota: sacsietki

Čytajcie jašče:

«Adpačyvajuć na dačy i nie dumajuć pra Dzień niezaležnaści». Na STB prapanavali zrabić 3 lipienia rabočym dniom 

Pamiatajecie aktyvistaŭ BRSM, jakija nakinulisia na Ordu padčas pikieta za Łukašenku ŭ 2020-m? Voś dzie jany ciapier

Łukašenka prainśpiektavaŭ abied kambajnieraŭ. Jany byli adzietyja ŭ biełaśniežnaje 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
48
Ха-ха
23
Ого
3
Сумна
8
Абуральна
32
0
daviedka/adkazać/
28.02.2024
Eto Kočanova na foto s rievnivym vzhladom obižiennoj žieny.)
0
dziaŭčyna, jakuju Łukašenka pryabniaŭ na vybarčym učastku /adkazać/
29.02.2024
[Red. vydalena]
0
Oleh/adkazać/
29.02.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930