Znajści
Ałharytmičny łacinski varyjant
26.02.2024 / 22:2210RusŁacBieł

Biełarusku zhvałtavali i sprabavali zadušyć u centry Varšavy

U niadzielu, 25 lutaha, u centry Varšavy znajšli 23-hadovuju biełarusku biez prytomnaści sa śladami zadušeńnia na ciele. Dziaŭčynu reanimavali i ŭ krytyčnym stanie dastavili ŭ balnicu, za jaje žyćcio zmahajucca lekary, paviedamlaje Most.

Praca palicyi na miescy złačynstva. Skrynšot videa Miejski Reporter

Uviečary taho ž dnia zatrymali maładoha čałavieka, jaki, pavodle viersii śledstva, datyčny da napadu. Sprava suprać jaho raspačataja pavodle artykułaŭ, źviazanych sa zhvałtavańniem i zamacham na zabojstva.

Maładuju žančynu znajšli na leśvičnaj kletcy doma pa vuł. Żurawia 47 ranicaj 25 lutaha. Pavodle polskich miedyjaŭ, jana była hołaj.

Infarmacyja adnosna złačynstva adroźnivajecca. Vydańnie Miejski Reporter paviedamiła, što napadnik nakinuŭsia na achviaru zzadu i, prystaviŭšy nož da horła, uciahnuŭ u varoty doma, zhvałtavaŭ, a zatym staŭ dušyć. Inšyja resursy, sa spasyłkaj na palicyju, nie paćviardžajuć epizod z napadam z nažom.

Paśla ździajśnieńnia złačynstva mužčyna zakupiŭsia ŭ kramie niedaloka ad miesca złačynstva, sieŭ u tramvaj i źjechaŭ. Kala 18.30 taho ž dnia jaho zatrymali ŭ kvatery ŭ varšaŭskim rajonie Makotuŭ. Pavodle roznych źviestak, jamu ad 23 da 30 hadoŭ. Miejski Reporter paviedamiŭ, što ŭ jaho doma palicyjanty znajšli litaraturu na temu zabojstvaŭ i zhvałtavańniaŭ.

Pavodle źviestak TVP.info, raniej u zatrymanaha byli prablemy z narkotykami. 27 lutaha mužčynu dapytajuć i vystaviać jamu abvinavačvańni. Jamu pahražaje pažyćciovaje źniavoleńnie.

Pieršapačatkova paviedamlałasia, što achviaraj stała ŭkrainka. Adnak 26 lutaha Miejski Reporter i TVP.info paviedamili, što dziaŭčyna — hramadzianka Biełarusi.

Čytajcie taksama:

U Polščy chłopiec adsiedzieŭ za «čužoje» zhvałtavańnie 18 hadoŭ. Adsudziŭ u dziaržavy 3 miljony jeŭra, ale na voli pražyŭ tolki 6 hadoŭ

Futbalist padaŭ pazoŭ na €1,25 miljona z žančyn, jakija abvinavacili jaho ŭ zhvałtavańni

U Mahilovie raskryli rezanansnaje zabojstva 11-hadovaj dziaŭčynki, što adbyłosia 25 hadoŭ tamu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
5
Ха-ха
1
Ого
8
Сумна
56
Абуральна
86
0
Cim/adkazać/
27.02.2024
Na jaje miescy mahła byť nie biełaruska. Vyčvarencaŭ pašpart achviary nie turbuje.
0
Žvir/adkazać/
27.02.2024
Paspalityja liudcy, takija voś liudcy... Prawda, Gorliwy ? Znajdzicie roźnicu: https://m.nashaniva.com/337331/
0
rozumiem o co chodzi/adkazać/
27.02.2024
Rapucha,NN vsiehda davajtie orininał ssyłku, a my sami s usami....
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera