Paśla hałasavańnia zatrymali mastačku-kieramistku. Vinavaciać u tym, što źniała ŭčastak i dasłała «ekstremistam»
«Ja źniała videa i dasłała siabroŭcy, jakaja žyvie za miažoj», — kaža žančyna na prapahandysckim videa.
Alena Karpienka. Fota ź jaje staronki Ukantakcie (archiŭnaja kopija)
Zatrymanuju kličuć Alena Karpienka. Rodam jana z Mahilova, ale vučyłasia ŭ Minsku na architekturnym fakultecie BNTU. Niejki čas pracavała architektaram, a paśla stała mastačkaj. Jana robić roznyja ŭpryhožańni dy posud z kieramiki, a taksama zajmajecca kalihrafijaj i rośpisam.
Dopis pra zatrymańnie dziaŭčyny źjaviŭsia ŭ małaviadomym kanale «Vostraja tarka», jaki viaduć praŭładnyja žurnalisty z Mahilova. Alenu zatrymali kala vybarčaha ŭčastka. Pa lehiendzie prapahandy, jana «hrukałasia ŭ zakrytyja dźviery paśla skančeńnia hałasavańnia, a paśla pierasłała videa ekstremisckamu resursu».
Alena pobač ź jaje tvorami na jarmarcy. Fota ź jaje sacsietak
Aryhinał videa my nie adšukali — imavierna, jaho apublikavaŭ niejki zusim niepapularny resurs. Alena ŭ videa kaža, što dasłała videa znajomaj, jakaja žyvie za miažoj, a dalejšy los fajła nieviadomy.
U jakim statusie ciapier dziaŭčyna, prapahandysty nie paviedamlajuć.
«Naša Niva» — bastyjon biełaruščyny
PADTRYMAĆČytajcie taksama:
Marzaluka ŭsio ž pryznačyli deputatam. Prahnoz «NN» na vybary spraŭdziŭsia na 97%
Jak čytać niezaležnyja ŚMI i nie padstaŭlacca — padrabiazny hajd
