Znajści
Ałharytmičny łacinski varyjant
26.02.2024 / 17:1623RusŁacBieł

Sikorski pryhoža vyśmiejaŭ pradstaŭnika Rasii ŭ AAN

Ministr zamiežnych spraŭ Polščy Radasłaŭ Sikorski słavicca svajoj rezkaściu. 22 lutaha na pasiadžeńni Rady Biaśpieki AAN jon byŭ asabliva va ŭdary.

Ministr zamiežnych spraŭ Polščy Radasłaŭ Sikorski. Fota: Maxym Marusenko / NurPhoto via Getty Images

Na pasiadžeńni Rady Biaśpieki Arhanizacyi Abjadnanych Nacyj 22 lutaha pastajannamu pradstaŭniku Rasii ŭ AAN Vasilu Niabienziu adkazaŭ ministr zamiežnych spraŭ Polščy Radasłaŭ Sikorski.

«Jon [pradstaŭnik Rasii] nazyvaje ich [ukraincaŭ] nacystami. Adnak prezident Ukrainy — jaŭrej, ministr abarony — musulmanin, i ŭ ich niama palityčnych źniavolenych. Jon kaža, što Ukraina zahrazła ŭ karupcyi. Što ž, Alaksiej Navalny zadakumientavaŭ, nakolki čystaja i prazrystaja Rasija.

Jon abvinavačvaje ZŠA ŭ nieakałanijaliźmie. Adnak heta nie ZŠA, a Rasija sprabavała vykaranić ukrainskaść u XIX stahodździ, paśla toje samaje sprabavali balšaviki, i ciapier my nazirajem treciuju sprobu».

Rasija abvinavačvaje ŭsich u «rusafobii», dadaŭ Sikorski, ale strach pierad Rasijaj nie iracyjanalny.

«Rasija abvinavačvaje nas u tym, što nas «achapiła rusafobija», ale fobija — heta iracyjanalny strach. Tym časam były prezident Rasii i pucinskija prapahandysty amal štodnia pahražajuć nam jadziernym apakalipsisam…. Rasija sama pahražaje nam źniščeńniem, vy chočacie, kab my hetamu nie vieryli?» — skazaŭ Radasłaŭ Sikorski.

Ministr zamiežnych spraŭ Polščy prakamientavaŭ taksama apošnija ekskursy Pucina ŭ historyju rasijska-polskich adnosin:

«Jon dahavaryŭsia navat da taho, što Polšča napała na Rasiju padčas Druhoj suśvietnaj vajny. Što jon viarzie? Heta Saviecki Sajuz napaŭ na Polšču razam z nacysckaj Hiermanijaj 17 vieraśnia 1939 hoda. Arhanizavali navat sumiesny parad pieramohi 22 vieraśnia. Kaža, što Rasija zaŭsiody tolki supraciŭlałasia ahresii. Tady što rabili rasijskija vojski la varotaŭ Varšavy ŭ vieraśni 1920 hoda? Byli na «tapahrafičnaj ekskursii»? U realnaści na adno ŭvarvańnie ŭ Rasiju prypadaje dziesiać jaje ŭvarvańniaŭ u inšyja krainy», — hrymieŭ Sikorski.

«Jon kaža, što [va Ukrainie] idzie vierałomnaja vajna pa zakazie Zachadu. «Ja raju vam [Rasii]: nie traplajcie ŭ pastku, rasstaŭlenuju Zachadam, vyviedzicie svaje vojski za mižnarodna pryznanyja miežy», — iranizavaŭ Sikorski i praciahnuŭ:

«I narešcie jon kaža: «My sprabujem pierakanać Zachad, što Rasiju nielha pieramahčy». Rasija nie vyjhrała Krymskaj vajny, nie vyjhrała rasijska-japonskaj vajny, nie vyjhrała Pieršaj suśvietnaj vajny, nie vyjhrała bitvy za Varšavu [u čas polska-savieckaj vajny 1920 hoda]. Jana nie pieramahła ŭ Afhanistanie i nie vyjhrała chałodnaj vajny. Ale va ŭsim tym byŭ i pazityŭ: paśla kožnaj parazy [ŭ Rasii] pravodzilisia reformy».

«Takaja demahohija, — dadaŭ polski ministr, — nie hodnaja pastajannaha člena Rady Biaśpieki AAN. Ale čaho dasiahnuŭ pastajanny pradstaŭnik, dyk heta nahadaŭ nam, čamu my supraciŭlalisia savieckamu panavańniu. I čamu Ukraina supraciŭlajecca ciapier».

«Im nie ŭdałosia nas paniavolić tady, im nie ŭdasca paniavolić Ukrainu i nas ciapier».

U sacsietkach źjaviłasia niamała zachoplenych reakcyj na taki vystup ministra Sikorskaha.

Amierykanski historyk Cimaci Snajder nahadaŭ, što «viedańnie historyi dapamahaje. Heta daje pačućcie hodnaści i ŭpeŭnienaści siarod prapahandy vajny i hienacydu. Ministr zamiežnych spraŭ Polščy Sikorski demanstruje heta tut, u AAN».

Volfhanh Išynhier (Wolfgang Ischinger), były niamiecki dypłamat i były kiraŭnik Miunchienskaj kanfierencyi pa biaśpiecy, napisaŭ: «Brava, Radek. Vy apraŭdali našy čakańni».

Čytajcie jašče:

«Situacyja z represijami ŭ Biełarusi horšaja za časy vajennaha stanovišča ŭ Polščy» — Sikorski

Cichanoŭskaja ŭ Varšavie sustrełasia ź ministram Sikorskim

Kiraŭnik MZS Polščy: My pavinny adkazać Pucinu na movie, jakuju jon razumieje

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
181
Панылы сорам
1
Ха-ха
5
Ого
3
Сумна
3
Абуральна
12
3
VVP/adkazać/
27.02.2024
On prav, sša, anhlija, kanada i tiem boleje avstralija 3,5 hoda tichońko tieriebońkali svoi pis@ny, a kohda uvidieli čto sssr dajet otpor fašikam stali nabivaťsia v sojuźniki. Potom sssr 70 let raspłačivałsia s etimi sojuźničkami. Jeśli v rośsii nie było obrazovanija značit po vašiemu avstrijcy prosto tak Suvorovu pamiatnik postavili, niemieckije i francuzskije učitiela i profiesora prosto tak prijezžali v rośsiju?
0
Prosta žychar/adkazać/
27.02.2024
", nu narešcie, HBšnyja troli pačali karystacca biełaruskaj raskładkaj. Nie darma im tut usie rabili zaŭvahi.
Nastupny krok - Kłasičny (Klasyčny) pravapis i, mahčyma, łacinka.
0
ptn bienzokołonka/adkazać/
28.02.2024
VVP, VVP, poprobujtie jeŝie raz sformulirovať svoju mysl, avoś połučitsia. Čto vy chotieli skazať, čto v Rośsiju poślednij raz nauka i obrazovanije byli na urovnie vo vriemiena Suvorova? Vozmožno, no siejčas 2024 hod, a nie 19 viek. No miestami Rośsija diejstvitielno napominajet pozaprošłoje stoletije. Pričiem diehradacija i skatyvanije v prošłoje idiet połnym chodom po mnohim paramietram. Nazovitie choť odnu razrabotku Rf za poślednije 20 let, kotoroj by polzovaliś vo vsiem mirie (kromie niefti 😁). Poetomu siehodniašniaja Rośsija - eto diehradacija i skatyvanije v impierializm 19 vieka. Strana-bienzokołonka. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930