Znajści
Ałharytmičny łacinski varyjant
26.02.2024 / 13:278RusŁacBieł

«Nichto z datyčnych nie znachodzicca ŭ Biełarusi». U «Biełpole» raskazali pra tranślacyju vystupu Cichanoŭskaj na manitorach

U subotu, 24 lutaha, na ekranach handlovych centraŭ, mahazinaŭ i hramadskaha transpartu zjaviŭsia videazvarot Śviatłany Cichanoŭskaj da biełarusaŭ. Adkaznaść za praviadzieńnie akcyi ŭziała na siabie abjadnańnie byłych siłavikoŭ «Biełpoł». Na nastupny dzień stała viadoma ab zatrymańni čatyroch supracoŭnikaŭ kampanii «Lehijon-104», hetaja firma zajmajecca tranślacyjaj medyjakantentu i rekłamy na interaktyŭnych ekranach i absłuhoŭvaje ich. Ci majuć zatrymanyja adnosiny da akcyi, «Lusterka» spytała ŭ pradstaŭnika «Biełpoła» Uładzimira Žyhara.

@nashaniva Jak u Biełarusi na 2000 ekranaŭ pakazali zvarot Cichanoŭskaj #biełaruś#cichanoŭskaja#cvietłanatichanovskaja#biełaruśsiejčas#biełaruśnovosti#našaniva#tichanovskaja♬ orihinalnyj zvuk - Naša Niva. Naviny

— Zatrymanyja supracoŭniki kampanii «Lehijon-104» da ŭzłomu ekranaŭ nijakaha dačynieńnia nie majuć. Nichto z datyčnych da praviadzieńnia akcyi nie znachodzicca ŭ Biełarusi. Što ŭłasna i paćviardžajecca, bo ludziej zatrymali nibyta prosta za pratesty — zajaviŭ Uładzimir Žyhar. 

Jon ličyć, što supracoŭnikaŭ «Lehijona-104» zatrymali dla taho, kab siłaviki «mahli dać spravazdaču» pierad svaim kiraŭnictvam ab paśpiachovym raskryćci spravy. 

— Siłavyja orhany bajacca pakarańnia, — kaža pradstaŭnik abjadnańnia. — Z-za strachu pierad svaim načalstvam jany sistematyčna «ŭparvajuć» jamu dezynfarmacyju ab złoŭlenych «ekstremistach», tolki kab abaranić siabie. 

Pry hetym padrabiaznaści arhanizacyi akcyi ŭ «Biełpole» nie vydajuć. Pavodle słoŭ Uładzimira Žyhara, zvarot Śviatłany Cichanoŭskaj 24 lutaha byŭ pakazany bolš jak na 2000 rekłamnych ekranaŭ u mahazinach pa ŭsioj Biełarusi i staličnym mietro. 

U siarednim pakaz praciahvaŭsia kala dźviuch hadzin, da momantu, pakul administrataram nie ŭdałosia vyklučyć tranślacyju. 

Pradstaŭnik «Biełpoła» kaža, što akcyja 24 lutaha prajšła paśpiachova, niahledziačy na ​​zatrymańni niedatyčnych ludziej: 

— Kožny hramadzianin Biełarusi ŭbačyŭ našy nacyjanalnyja simvały i Śviatłanu Cichanoŭskuju. Heta natchniła ludziej. Navat praz 3,5 hady paśla vybaraŭ baraćba za svabodu Biełarusi praciahvajecca.

Čytajcie taksama:

«Bajpoł» apubličyŭ novaha svajho supracoŭnika — prakurora, jaki zvolniŭsia ŭ 2021 hodzie

Pamior były načalnik kałonii «Vićba» Alaksiej Staravojtaŭ. Jamu było 47 hadoŭ

Na ANT novaja zorka prapahandy — dačka Marata Markava

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
4
Ха-ха
1
Ого
1
Сумна
0
Абуральна
5
0
Cmok/adkazać/
26.02.2024
Ktułchu, Voś namalavałasia vata biazhłuzdaja. Pasadzili ludziej fašysty, jany i tak sadžajuć ludziej kožny dzień.
0
Imia/adkazać/
26.02.2024
imia, naučitieś hovoriť ot siebia a nie ot vsiech biełarusov
0
Imia/adkazać/
26.02.2024
Ktułchu, rieprieśsii na soviesti riežima, chvatit upodoblaťsia jemu, obviniaja vsiech podriad
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera