Znajści
Ałharytmičny łacinski varyjant
24.02.2024 / 20:531RusŁacBieł

Dźvie parafii Biełaruskaj aŭtakiefalnaj pravasłaŭnaj carkvy pierachodziać na novajulijanski kalandar

Pieršaijerarch Biełaruskaj aŭtakiefalnaj pravasłaŭnaj carkvy archijapiskap Śviatasłaŭ Łohin paviedamiŭ Radyjo Svaboda, što ad zaŭtra, 25 lutaha 2024 hoda, dźvie parafii jahonaj carkvy ŭ ZŠA pierachodziać na novajulijanski kalandar.

Prychod śviatoha Kiryły Turaŭskaha ŭ Bruklinie. Fota: bielarus.info

Dźvie parafii, jakija vyrašyli pierajści na novajulijanski kalandar, — heta parafii Katedralnaha sabora śviatoha Kiryły Turaŭskaha ŭ Bruklinie (Ńju-Jork, ZŠA) i Žyrovickaje ikony Božaje Maci ŭ Hajłend-Parku (Ńju-Džersi, ZŠA).

Dahetul abiedźvie parafii prytrymlivalisia julijanskaha kalendara, choć Amierykanskaja pravasłaŭnaja carkva, jakaja atrymała ŭ 1970 hodzie niezaležnaść ad Ruskaj pravasłaŭnaj carkvy, pieravažna trymajucca novajulijanskaha kalendara. 

Vierniki, jakija nie zachočuć brać udzieł u nabaženstvach pavodle novajulijanskaha kalendara, majuć prava pierajści ŭ tyja parafii BAPC, jakija zastanucca na starym kalendary.

Pavodle pieršaijerarcha BAPC, kožnaja parafija moža vyznačyć, ci pierachodzić joj na novaje letaźličeńnie — dla hetaha treba mieć nie zvyčajnuju bolšaść (jak pry hałasavańni pa administracyjnych carkoŭnych pytańniach), a pieravažnuju bolšaść viernikaŭ. Pavodle archijepiskapa Łohina, heta robicca dla taho, kab uniknuć raskołu siarod parafijanaŭ albo adychodu viernikaŭ z BAPC.

Pry pryniaćci hetaha rašeńnia było ŭličana toje, što biełaruskija pravasłaŭnyja vierniki ź Ńju-Jorku i jaho navakolla pry patrebie mohuć naviedvać parafiju BAPC u Kvinsie (taksama ŭ Ńju-Jorku), jakaja viadzie nabaženstvy pavodle staroha stylu.

Taksama i ŭ štacie Ńju-Džersi pobač z parafijaj u Hajłend-Parku jość biełaruskaja pravasłaŭnaja parafija Suśvietnaha patryjarchatu ŭ horadzie Saŭt-Ryvier, jakaja taksama trymajecca julijanskaha kalendara.

Na siońniašni dzień bolšaść pamiesnych pravasłaŭnych cerkvaŭ pierajšli na novajulijanski pravasłaŭny kalandar, u jakim nieruchomyja śviaty adznačajucca pavodle novaha stylu, a ruchomyja, takija jak Vialikdzień, pavodle staroj paschalii.

Na starym julijanskim kalendary zastalisia nastupnyja pravasłaŭnyja cerkvy śvietu: Jerusalimskaja, Ruskaja (u tym liku Biełaruski ekzarchat Maskoŭskaha patryjarchata), Sierbskaja i Polskaja.

Letaś na novajulijanski kalandar pierajšła navastvoranaja biełaruskaja pravasłaŭnaja parafija Suśvietnaha patryjarchatu ŭ Vilni.

27 listapada 2023 hoda adbyłasia sustreča pieršaijerarcha BAPC archijepiskapa Śviatasłava Łohina z Kanstancinopalskim patryjarcham Varfałamiejem u rezidencyi Suśvietnaha patryjarchata ŭ Stambule (Turcyja).

U 2023 hodzie na novajulijanski kalandar pierajšli aŭtakiefalnaja Pravasłaŭnaja carkva Ukrainy i Ukrainskaja hreka-katalickaja carkva.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
16
Панылы сорам
1
Ха-ха
2
Ого
2
Сумна
1
Абуральна
0
1
A.M./adkazać/
25.02.2024
U Hruzii pravasłaýnaja carkva tak sama prytrymlivajecca julianskaha kalendara
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930