U Breście zaŭvažyli źniknieńnie kiraŭnika adnaho z pradpryjemstvaŭ
Niadaŭna paviedamlałasia, što ŭ Breście źnik i mierkavana zatrymany namieśnik staršyni miascovaha abłvykankama Valancin Zajčuk. Ale vyhladaje, što takaja prablema nie tolki ŭ jaho adnaho. Pavodle źviestak telekanała «Biełsat», bolš za miesiac užo nie vidać i nie čuvać taksama dyrektara pradpryjemstva «Bresckaja kacielnaja haspadarka» Juryja Avierčuka.
Juryj Aviarčuk (źleva) i Siarhiej Vajtuchovič. 17 studzienia 2024 hoda. Fota: bkh.brest.by
Pra toje, što Juryj Aviarčuk niekudy źnik, «Biełsatu» na ŭmovach ananimnaści paviedamili supracoŭniki «Bresckaj kacielnaj haspadarki». Jaho nie bačyli ŭžo bolš za miesiac, a niekatoryja śćviardžajuć, što dyrektara pradpryjemstva vyvodzili z kabinieta ŭ kajdankach.
Apošni raz Aviarčuk źjaŭlaŭsia na publicy 17 studzienia. Na fota, raźmieščanych na sajcie pradpryjemstva da hetaj daty, možna ŭbačyć jaho razam ź jaho namieśnikam pa ideałahičnaj rabocie Siarhiejem Vajtuchovičam, dalej ža na ŭsich fota Vajtuchovič adzin.
Juryj Aviarčuk kiravaŭ «Bresckaj kacielnaj haspadarkaj» z 2017 hoda, a ŭ 2022-m, kali pradpryjemstva adznačała svajo 55-hodździe, navat pryznavaŭsia miascovaj uładaj čałaviekam hoda.
Nieaficyjnyja krynicy śćviardžajuć, što pryčynaj mahčymaha jaho zatrymańnia staŭ chabar.
Čytajcie taksama:
Niekudy źnik pieršy namieśnik staršyni Bresckaha abłvykankama. Mahčyma, jaho zatrymali
Biarozaŭskim miasakansiervavym kambinatam ciapier kiruje Piva
