Znajści
Ałharytmičny łacinski varyjant
24.02.2024 / 18:072RusŁacBieł

«Kali pra heta kazaŭ naš rektar — značyć tak i jość». Žurnalisty pasprabavali znajści biełaruska-rasijski padručnik pa historyi

Ahulny padručnik historyi Biełarusi i Rasii zusim niadaŭna byŭ anansavany, a ŭžo nieŭzabavie rektar Mahiloŭskaha dziaržaŭnaha ŭniviersiteta Dzianis Duk navat zajaviŭ, što jon užo vykarystoŭvajecca ŭ biełaruskich škołach. «Jeŭraradyjo» zrabiła niekalki zvankoŭ u profilnyja instancyi, kab daviedacca, što heta za padručnik i dzie jaho možna kupić. Vyśvietliłasia, što znajści jahonyja ślady zusim niaprosta.

U Ministerstvie adukacyi žurnalistu «Jeŭraradyjo», jaki patelefanavaŭ pad vyhladam školnaha nastaŭnika, paviedamili, što pra taki padručnik ničoha nie čuli. U ich jość tolki «prahramy fakultatyŭnych zaniatkaŭ, jakija byli zaćvierdžanyja i raźmiaščajucca na nacyjanalnym adukacyjnym partale», a nakont padručnika paraili źviartacca ŭ mietadyčny centr Akademii adukacyi. 

Tam, adnak, taksama nie ŭ kursie. Z novaha ciapier, maŭlaŭ, raspracoŭvajecca tolki padručnik dla 10-ha kłasa, i toje, jon źjavicca ŭ škołach tolki z 1 vieraśnia. A voś nijakaha padručnika pa historyi Biełarusi i Rasii na hety momant niama.

Supracoŭnica mietadyčnaha centra dapuściła, adnak, što rektar Mahiloŭskaha ŭniviersiteta mieŭ na ŭvazie dapamožnik dla piedahohaŭ, jaki pamiž saboj sami hetyja piedahohi mohuć nazyvać i padručnikam, choć heta niapravilna. A ŭrešcie pieraadrasavali zacikaŭlenaha «nastaŭnika» ŭ Akademiju kiravańnia.

A ŭ Akademii kiravańnia supracoŭnica ŭvohule nie zrazumieła, pra što idzie havorka, i vykazała zdahadku, što dapamožnik nazyvajecca «Asnoŭnyja padziei ajčynnaj historyi». Adnak pry hetym adznačyła, što heta mietadyčny dapamožnik, a nie padručnik.

Urešcie daviałosia telefanavać va ŭstanovu, jakoj kiruje sam Dzianis Duk — Mahiloŭski dziaržaŭny ŭniviersitet. Ale dekan miascovaha historyka-fiłałahičnaha fakulteta Viktar Burakoŭ taksama nie vałodaje nijakaj infarmacyjaj pra novy padručnik, choć upeŭnieny, što «kali pra heta kazaŭ naš rektar — značyć tak i jość».

Udakładniŭšy pytańnie na kafiedry historyi Biełarusi, Burakoŭ kanstatavaŭ, što «tam taksama nichto ničoha nie viedaje». Adno tolki, što ŭdałosia vyśvietlić: «hety padručnik byŭ u raspracoŭcy… My viedajem jaho pracoŭnuju nazvu i prykładnych aŭtaraŭ, ale vychodnych dadzienych, kab uziać adkryć i pačytać, u mianie niama».

Čytajcie taksama:

«Płaču za vučobu, a dziciaci zaliki staviać za ŭdzieł u praŭładnych mitynhach». Biełarusy raskazali, što dumajuć pra zabaronu na adukacyju za miažoj

«Saŭki, vatniki, hopniki, čyrvonyja čałaviečki…» Školnikam prapanujuć padumać nad hetymi charaktarystykami savieckaha naroda

Łukašenka pra padručnik Koli pa fiłasofii: Jaki kašmar, što jany napisali — heta žach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
0
Ха-ха
14
Ого
2
Сумна
3
Абуральна
4
0
Kavalenia/adkazać/
24.02.2024
Hrošy raśpilili, ničoha nie napisali
0
Kenny/adkazać/
25.02.2024
V połockom univiersitietie, kohda duk był zaviedujuŝim kafiedroj istorii, a pośle proriektorom, jeho stil rukovodstva nazyvali "dukovŝina" - etakaja śmieś samodurstva, niekompietientnosti i lizobludstva na fonie kompleksa niepołnociennosti :)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930