Viačorka ź Labiedźkam sustrelisia ŭ Kijevie z Padalakom
Hałoŭny daradca Śviatłany Cichanoŭskaj Franak Viačorka i daradca pa parłamienckim supracoŭnictvie i kanstytucyjnaj reformie Anatol Labiedźka znachodziacca ŭ Kijevie z dvuchdzionnym pracoŭnym vizitam.
Fota: t.me/tsikhanouskaya
Metaj vizitu abjaŭleny ŭdzieł u mierapryjemstvach z nahody druhoj hadaviny paŭnamaštabnaha ŭvarvańnia Rasii va Ukrainu, a taksama praviadzieńnie sustrečaŭ z šeraham ukrainskich palitykaŭ.
«Pryjechali pa zaprašeńni Viarchoŭnaj Rady. Budziem sustrakacca z pradstaŭnikami Ofisa prezidenta Uładzimira Zialenskaha, deputatami Rady, a taksama z deputatami jeŭrapiejskich parłamientaŭ, jakija prybyli ŭ Kijeŭ z nahody druhoj hadaviny pačatku poŭnamaštabnaj rasijskaj ahresii suprać Ukrainy», — paviedamiŭ pra mety vizitu Viačorka.
Fota: t.me/tsikhanouskaya
Adnoj ź pieršych adbyłasia sustreča z daradcam prezidenta Zialenskaha Michaiłam Padalakom. Paviedamlajecca, što baki abmierkavali biełaruska-ŭkrainskija adnosiny i płany na bližejšy čas. Daradcy Cichanoŭskaj padziakavali za pryznačeńnie Ihara Kizima, ambasadara Ukrainy dla asablivych daručeńniaŭ u spravie Biełarusi, za supracoŭnictva ŭ infarmacyjnaj prastory, a taksama za padtrymku biełaruskich dobraachvotnikaŭ, u tym liku Pałka Kalinoŭskaha.
U płanach palitykaŭ taksama sustrečy s bajcami Pałka Kalinoŭskaha, «jakija zmahajucca za Ukrainu, a značyć, i za Biełaruś».
Čytajcie taksama:
Franak Viačorka pryjechaŭ u Kijeŭ
Biełaruskuju palityku va Ukrainie farmuje daradca biez palityčnaj adkaznaści — ukrainski palitołah
