Znajści
Ałharytmičny łacinski varyjant
22.02.2024 / 21:12RusŁacBieł

Łatvija zabaraniła ŭvoz sielhaspradukcyi ź Biełarusi i Rasii

Parłamient Łatvii 22 lutaha ŭvioŭ zabaronu na ŭvoz sielhaspradukcyi ź Biełarusi i Rasii. Pra heta paviedamlaje vydańnie «Prajm» sa spasyłkaj na pres-słužbu łatvijskaha siejma. Łatvija ŭviała takuju zabaronu pieršaj z usich krain Jeŭrasajuza. Ciapier čakajecca, što ŭrad vydaść adpaviednuju pastanovu sa śpisam kankretnych tavaraŭ.

Zdymak ilustracyjny

Zabarona aformlenaja papraŭkaj da zakona ab sielskaj haspadarcy i raźvićci vioski. Papraŭka praduhledžvaje abmiežavańni na ŭvoz sielskahaspadarčaj i karmavoj pradukcyi ź Biełarusi i Rasii dla spažyvańnia ŭ Łatvii. Zhodna z papraŭkami, biełaruskuju i rasijskuju sielskahaspadarčuju pradukcyju nielha budzie ŭvieźci ŭ Łatviju i z trecich krain.

Zabarona pakul što budzie dziejničać da leta 2025 hoda. Jana, praŭda, nie raspaŭsiudžvajecca na sielhaspradukty, jakija viazuć praz Łatviju tranzitam u inšyja krainy ES.

Pavodle źviestak Minsielhasa Łatvii, za 10 miesiacaŭ 2023 hoda Łatvija impartavała sielskahaspadarčaj i karmavoj pradukcyi z Rasii na 280 młn jeŭra. Asnovu hetaha impartu (90%) skłali karmy, krupy, babovyja i rapsavy alej.

U pačatku lutaha ŭ Łatvii fiermiery pratestavali, patrabujučy abmiežavać uvoz zbožža z Rasii i Biełarusi, a taksama źnizić PDV da 5% na łatvijskija sadavinu, jahady i harodninu.

Čytajcie taksama:

Čyhunačnyja pieravozki pamiž Biełaruśsiu i Polščaj źnizilisia bolš čym udvaja

Vialikabrytanija ŭviała sankcyi suprać dvuch biełaruskich pradpryjemstvaŭ

Bieły dom 23 lutaha nakładzie na Rasiju novyja sankcyi za śmierć Navalnaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera