Znajści
Ałharytmičny łacinski varyjant
25.02.2024 / 12:301RusŁacBieł

Dokšyckaha čynoŭnika ciahnuli ŭ deputaty, a kali vyjaviłasia, što syn u bazie «Biesparadki» — vyhnali z raboty 

Načalnik Dokšyckaha rajonnaha adździeła adukacyi Dźmitryj Parcianka bałatavaŭsia na rajonnyja vybary jak kandydat ad ułady. Ale nie prajšoŭ pravierki śpiecsłužbami — pry pahłyblenym vyvučeńni asoby vyśvietliłasia, što jahony syn zatrymlivaŭsia pa palityčnym artykule. Vynik: čynoŭnika nie tolki źniali z dystancyi, a jašče i vyhnali z raboty. 

Dźmitryj Parcianka mieŭsia pieraabracca ŭ miascovyja saviety deputataŭ — naminalny zbor pradstaŭnikoŭ uładnaj viertykali, dziejnaść jakich nie ŭpłyvaje absalutna ni na što.

Ale navat kab trapić tudy, mała adnoj rekamiendacyi ad rajvykankama i łajalnaj bijahrafii — treba jašče być u adkazie za svajakoŭ. Pa hetym punkcie, pavodle infarmacyi «Našaj Nivy», Dźmitryj nie prajšoŭ. 

Dźmitryj Parcianka, eks-načalnik adździeła adukacyi Dokšyckaha rajona, fota «Nastaŭnickaja hazieta»

Pieraškodaj staŭ administratyŭny pratakoł za ŭdzieł u pratestach, składzieny na syna čynoŭnika ŭ 2020-m. Toje, što Parcianka-małodšy sapraŭdy znachodzicca ŭ bazie «Biesparadki», my pravieryli praz «Biełpoł».

U vyniku Parcianku-starejšaha nie tolki źniali z vybaraŭ, prymusiŭšy napisać zajavu ab samaadvodzie, ale i vyhnali ź dziaržaŭnaj raboty.

«7 lutaha 2024 hoda adbudziecca pasiedžańnie Dokšyckaj rajonnaj vybarčaj kamisii, na jakim budzie razhledžana pytańnie ab zajavie kandydata ŭ deputaty Dokšyckaha rajonnaha Savieta deputataŭ Parcianki D.D. ab źniaćci svajoj kandydatury», — sucha paviedamlaje sajt rajvykankama.

Kankuravać za miesca ŭ rajsaviecie Dźmitryj Parcianka mieŭsia z Danutaj Lavochaj — načalnicaj centra sacyjalnaha absłuhoŭvańnia. Ciapier vybary pa toj akruzie stali biezalternatyŭnymi.

@nashaniva Pakul vas zahaniajuć na hałasavać, śpis deputataŭ užo viadomy #biełaruś#biełaruśsiejčas#biełaruskiciktok#našaniva#biełorusy#novostibiełarusi#biełaruśnovosti#minsk#minskajaobłasť♬ Funny Guy - Parry Music

Čytajcie taksama:

110 deputataŭ, jakija trapiać u parłamient-2024, — praviercie śpis paśla vybaraŭ

Jak falsifikujucca vybary ŭ Biełarusi. Siem etapaŭ padmanu

Hałasuj nie hałasuj. Spoviedź byłych deputataŭ pra toje, jak Łukašenka pryznačaŭ ich u parłamient

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
9
Ха-ха
26
Ого
2
Сумна
2
Абуральна
6
1
Josik/adkazać/
22.02.2024
Jaki dumki ŭ hałavie, tavaryš Parcianka? Chočacca zastrelicca, žyćcio skončyłasia, nikudy nie voźmuć, dy ty, chutčej za ŭsio, ničoha nie ŭmieješ rabić.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera