Znajści
Ałharytmičny łacinski varyjant
22.02.2024 / 09:371RusŁacBieł

Biełaruska zaniała treciaje miesca na ispanskaj «Fabrycy zorak»

U krasaviku-lipieni ŭdzielniki prajekta daduć kancerty pa ŭsioj Ispanii, u tym liku pa dva ŭ Madrydzie i Barsiełonie.

Rusłana Pančyšyna. Fota: facebook.com/operaciontriunfo

18-hadovaja Rusłana Pančyšyna zaniała treciaje miesca ŭ dvanaccatym siezonie Operacion Triunfo — ispanskaj viersii televizijnaha realici-šou, viadomym u krainach SND jak «Fabryka zorak», paviedamlaje sajt «Biełaruś i śviet».

Finał šou adbyŭsia 19 lutaha. Šaściora finalistaŭ, u tym liku Rusłana, vykanali spačatku pa adnoj pieśni, a paśla taho, jak hledačy adsiejali traich, — astatnija praśpiavali jašče pa adnoj.

U vyniku paśla kančatkovaha hałasavańnia Najara Marena z Sarahosy nabrała 49 pracentaŭ hałasoŭ, Paŭl Delhada z Armilji — 26%, Rusłana Pančyšyna — 25%.

Najara Marena. Fota: facebook.com/operaciontriunfo

Pieramožca atrymaje 100 tysiač jeŭra na zapis svaich dyskaŭ. Taksama ŭ krasaviku-lipieni ŭdzielniki prajekta daduć kancerty pa ŭsioj Ispanii, u tym liku pa dva ŭ Madrydzie i Barsiełonie.

Ciapierašni siezon Operacion Triunfo startavaŭ 20 listapada 2023 hoda i doŭžyŭsia 14 tydniaŭ. Na prasłuchoŭvańni pryjšli bolš za 13 tysiač čałaviek z usioj krainy. Ź ich adabrali 18 udzielnikaŭ.

Kankursanty žyli i vučylisia vakału, tancam, sceničnamu majsterstvu ŭ studyi, abstalavanaj mnostvam kamier. Štotydzień pa vynikach kancertaŭ jany pastupova adsiejvalisia.

Kancerty pakazvalisia na płatnym videaservisie Amazon Prime Video. Adnak štodzionnaje žyćcio i treniroŭki kankursantaŭ tranślavali biaspłatna onłajn na YouTube.

Rusłana Pančyšyna rasła ŭ Biełarusi, adnak razam ź siamjoj daŭno pierajechała na Teneryfe ŭ Ispaniju. Ciapier biełaruska žyvie i vučycca ŭ Ispanii.

Ź dziacinstva jana pačała śpiavać. Akramia taho, jana vystupaje ŭ hrupach, zachaplajecca bas-hitaraj. Z muzyčnych stylaŭ joj padabajucca R&B, rok, souł.

Pančyšyna brała ŭdzieł u bolš čym 30 muzyčnych prajektach u Polščy, Francyi, Hiermanii, Ispanii. A ŭ Biełarusi jana brała ŭdzieł u adborach na dziciačaje «Jeŭrabačańnie».

Čytajcie taksama:

Śpiavačka Ina Afanaśjeva ledź ačomałasia paśla taho, jak jaje zvaliŭ z noh niejki virus. I toje nie da kanca

«Majho maładoha čałavieka naciahnuli łastaŭkaj, źbivali, bo jon admaŭlaŭsia davać na mianie pakazańni». Śpiavačka Meryjem Hierasimienka raskazała pra svajo zatrymańnie

Marharyta Laŭčuk vystaviła haračyja FOTA z maładym čałaviekam 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
0
Ха-ха
1
Ого
0
Сумна
1
Абуральна
1
0
Vład/adkazać/
22.02.2024
Vot riealno pofih na vsiech etich pievičiek rtom!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930