Znajści
Ałharytmičny łacinski varyjant
21.02.2024 / 23:553RusŁacBieł

Kaardynatar polskich śpiecsłužbaŭ paviedamiŭ, što Łukašenka havoryć łuchtu

Ministr-kaardynatar śpiecsłužbaŭ Polščy Tomaš Siemoniak vystupiŭ u efiry Radio ZET i siarod inšaha daŭ acenku zroblenaj 20 lutaha zajavie Łukašenki, što polskaja i amierykanskaja vyviedki nibyta rychtujuć maštabnuju pravakacyju suprać cyvilnaha nasielnictva Polščy, u jakoj paśla abvinavaciać Rasiju i Biełaruś.

Tomaš Siemoniak. Skrynšot ź videa

Tomaš Siemoniak nie byŭ dypłamatyčnym i nazvaŭ hetyja śćviardžeńni Łukašenki «poŭnaj łuchtoj».

«Na žal, Łukašenka časta napadaje na Polšču i vydaje niebylicy, kab stvaryć napružanaść, pryciahnuć da siabie ŭvahu, mabilizavać hramadskuju dumku ŭ svajoj krainie, pakazać Rasii, što jon antyzachodni i antypolski», — padkreśliŭ polski čynoŭnik.

Jak jon miarkuje, takija pravakacyi sapraŭdy mohuć ździajśniać režymy nakštałt pucinskaha i łukašenkaŭskaha, adnak «u demakratyčnych dziaržavach śpiecsłužby nie dziejničajuć takim čynam, kab pryčynić škodu ŭłasnym hramadzianam».

U toj ža čas Siemoniak nie vyklučaje, što padobnuju pravakacyju mohuć ździejśnić sami padkantrolnyja Pucinu i Łukašenku śpiecsłužby, kab abvinavacić u ich polskija ŭłady.

«My pavinny vielmi ŭvažliva sačyć za tym, što adbyvajecca ŭ Biełarusi, što kaža Łukašenka i čym zajmajucca miascovyja śpiecsłužby i vojska. Heta dziaržava, jakaja niepasredna susiedničaje z Polščaj, dziaržava, jakaja adyhryvaje rolu ŭ rasijska-ŭkrainskaj vajnie», — adznačyŭ ministr, dadaŭšy, što takoha kštałtu zajavy mohuć być taksama elemientam infarmacyjnaj vajny.

Prakamientavaŭ jon i biahučuju situacyju na miažy Polščy ź Biełaruśsiu, źviazanuju sa sprobami parušeńnia jaje z boku nielehalnych mihrantaŭ z Azii i Afryki:

«Uvažliva za hetym sočym. Pamiežnaja słužba pieradaje paviedamleńni. Zvyčajna zimoj takich sprobaŭ było mienš, ale ci źviazana heta ź siezonam abo z metanakiravanymi dziejańniami Łukašenki — my aceńvajem».

20 lutaha na naradzie sa svaimi siłavikami Łukašenka sa spasyłkaj nibyta na «apieratyŭnuju infarmacyju» raźviedki paviedamiŭ, što ŭ Polščy nibyta rychtujucca pravakacyi z udziełam polskaj i amierykanskaj raźviedak.

«Jašče adna apieratyŭnaja infarmacyja. Dasłoŭna cytuju (heta ŭžo dla palakaŭ važna): «polskaja i amierykanskaja raźviedki rychtujuć bujnamaštabnuju pravakacyju suprać cyvilnaha nasielnictva Polščy, u jakoj abvinavaciać Rasiju i Biełaruś», — skazaŭ tady Łukašenka.

Čytajcie taksama:

«Ludzi pavinny adčuvać siabie ŭ biaśpiecy ŭ luby čas sutak». Łukašenka ŭpeŭnieny, što takoje adčuvańnie źjaŭlajecca pry nazirańni ŭzbrojenych siłavikoŭ

Łukašenka zajaviŭ, što Varšava viarbuje čynoŭnikaŭ na zamienu Łatušku

Łukašenka: My pavinny być hatovyja da vajny i mientalna, i stratehična

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
23
Панылы сорам
5
Ха-ха
3
Ого
0
Сумна
0
Абуральна
3
0
vierno/adkazać/
22.02.2024
Vsio vierno, špic putina havkajet v polzu svojeho choziaina, čtoby płoška kormom była napołniena na ličnych sčietach špica....
0
dgf/adkazać/
22.02.2024
vahnierok napadiet na tupych polskich fiermierov....  Polaki zavojut aaaa raška napała.....
A  łukašenka skažiet  Ja ŽIE HOVORIŁ!!! PROVAKACIJA!!!! PIERIEODIELIŚ i SAMI NA SIEBIA napali, na biednych prorośsijskich fiermierov.... 
I biłaruskarasiejskoje bydło schavajet na ura..... Hlajvic 2.0
0
Supovoj pakietik/adkazać/
22.02.2024
Nado žie, kakaja udivitielno śviežaja novosť! Da etot łukavyj [...] vsiu žizń tolko etim i zanimajetsia. Ruka užie nabita , i noša (v dannom słučaje, čuš) lehka.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930