Znajści
Ałharytmičny łacinski varyjant
21.02.2024 / 15:363RusŁacBieł

Siłaviki zładzili čarhovuju fejkavuju rassyłku pa biełaruskich čatach. Što adbyłosia i jak abaranicca

Jana była zroblenaja pa staroj schiemie, jakoj zaŭždy karystalisia hubazikaŭcy.

Siońnia ŭ biełaruskich čatach raspaŭsiudzilisia paviedamleńni takoha źmiestu:

Pa spasyłcy byŭ fejkavy bot inicyjatyvy dvaravych aktyvistaŭ «Kaalicyja pratesnych dvaroŭ», jaki patrabavaŭ numar telefona dla rehistracyi.

Kaalicyja pratesnych dvaroŭ — heta inicyjatyva, jakaja jadnaje nizavych aktyvistaŭ u Biełarusi i za jaje miežami. Sietka, stvoranaja z aktyvistaŭ, na słenhu inicyjatyvy nazyvajecca «Roj».

U «Kaalicyi» paćviadžajuć, što nie majuć dačynieńnia da siońniašniaj rassyłki i papiaredžvali aktyvistaŭ pra mahčymaść takich ukidaŭ. Raniej jany publikavali instrukcyju pra toje, jak adroźnivać padrobki.

«Kab abaranić biełarusaŭ, my stvaryli antyfejk sistemu, jakaja reahuje nie tolki na padrobki našych akaŭntaŭ, ale i na inšyja nam viadomyja (PKK, «Płan Pieramoha» i inšyja). Tut jość post pra jaje i toje, jak jaje ŭkaranić. Taksama jość bot «Roza», jaki vydalaje akaŭnty siłavikoŭ z čataŭ. Voś spasyłka na jaho.

My ŭžo identyfikavali niekalki dziasiatkaŭ akaŭntaŭ, jakija rassyłajuć dezynfarmacyju. Taksama razhaniaje infarmacyju, niedavier, niechta viadomy jak «Fieniks». Jon taksama nie musić karystacca davieram, bo raspaŭsiudžvaje nianaviść i mesedžy, jakija ŭnosiać raskoł i niedavier».

Aktyvisty kažuć, što kali vy aktyvavali bot i pieradali jamu vašy źviestki, ale akaŭnt adpaviadaje ŭsim patrabavańniam biaśpieki i nie zaśviečany, to dastatkova budzie nie vydavać siłavikam nijakich piersanalnych danych, nie pierachodzić pa spasyłkach ad ich i nie prymać ad ich nijakija fajły.

Kali akaŭnt nie abaronieny abo ŭžo byŭ pierachod pa spasyłcy biez VPN, vy pryniali niejki fajł abo pieradali piersanalnyja danyja tekstam ŭ dyjałohu, to vas mohuć identyfikavać i zatrymać.

Taksama varta adrazu vydalić akkaŭnt i pačyścić telefon dy schoviščy danych.

«Bo ciapier aryštoŭvajuć ludziej i nachodziać fota-videa z 2020 hoda i heta novaja chvala aryštaŭ», — tłumačać aktyvisty.

«Naša Niva» — bastyjon biełaruščyny

PADTRYMAĆ

Čytajcie taksama:

Try prostyja parady, kab nie natrapić na fejkavyja inicyjatyvy ŭ Telegram

Jak HUBAZiK stvaraje fejkavyja pierapiski z fejkavymi ŭdzielnikami płana «Pieramoha»

Fejkavyja akaŭnty ad imia Ofisa Cichanoŭskaj źbirajuć danyja biełarusaŭ nibyta dla novych pašpartoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
9
Ха-ха
7
Ого
1
Сумна
1
Абуральна
25
1
imia/adkazać/
21.02.2024
pro tielehram nado zabyť. fiejk ili nie fiejk - biez raźnicy
0
Dresiravanaja chudoba/adkazać/
22.02.2024
Vidavočny fiejk, tekst na žyvielnam dyjalekcie.
3
chtości/adkazać/
22.02.2024
imia, zabudź pra internet, kamputary, elektryčnaść i naahuł nikoli nie zdymaj kapturok z falhi
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930