Znajści
Ałharytmičny łacinski varyjant
21.02.2024 / 13:392RusŁacBieł

Dziaŭčyna chacieła abyhrać kazino. Jana ŭlezła ŭ sumnieŭnuju spravu i straciła $1234

Viktoryja natrapiła na rekłamu pracy anłajn u instahramie sa štodzionnymi vypłatami. Praź niejki čas joj pryjšli padrabiaznaści pra sutnaść pracy. Prapanavali (usiaho tolki) abyhrać anłajn-kazino, kirujučysia peŭnymi stratehijami. Onliner.by raskazvaje, čym skončyłasia sprava.

Ilustracyjnaje fota

«Na toje jano i kazino, kab nie randomna tykać na knopački, a staracca abapiracca choć by na niejkuju łohiku i teoryju imaviernaściaŭ», — padumała dziaŭčyna. Bo rabić staŭki ŭ peŭnaj paśladoŭnaści nie zabaroniena zakonam. Jana ŭviazałasia ŭ hetuju avanturu, zabyŭšysia pra załatoje praviła: kazino zaŭsiody ŭ plusie, tym bolš kali jano stvorana ašukancami.

— Supakoiła, što nie treba davać nijakuju asabistuju infarmacyju, i tryhiernuła, što heta była mahčymaść padzarabić hrošy ŭ davoli składanym na toj momant finansavym stanoviščy. A, jak viadoma, ludzi, jakija zajmajucca takimi schiemami, viedajuć, na jakija bolevyja i ŭraźlivyja kropki cisnuć, da taho ž ja časam davoli davierlivaja i naiŭnaja ŭ pytańniach, kali staić vostraja nieabchodnaść u čym-niebudź.

Kuratar Jeva skinuła kambinacyi, Viktoryja pa ich i hulała. Pieramohi byli nie 100%, ale bałans ros. Okiej, hrošy zarabili, jak vyvodzić? Tut i pačalisia prablemy.

— Jak tolki ŭsio było vykanana, mnie nieabchodna było papoŭnić bałans na sajcie na minimalnuju sumu $20, pa słovach kuratara. Dalej pry sprobie vyvadu srodkaŭ źjaviłasia paviedamleńnie ab tym, što dla aktyvacyi druhoha kryptarachunku (tamu što pieršy — heta rachunak Jevy, na jaki častka sumy jana i vyvieła) nieabchodna papaŭnieńnie na $100. Prakansultavałasia ź Jevaj, dakinuła jašče $81. Zatym užo ŭ padtrymcy napisali, što, akazvajecca, płaciož treba było ździejśnić adnoj tranzakcyjaj. Tut u mianie pačali zakradvacca dumki: «dziŭna, a jak heta tak, što zahadkavaja Jeva hetaha nie viedała, bo jana ž daŭno pracuje z hetaj płatformaj». Ale čamuści ja vyrašyła ślepa vieścisia dalej. Papoŭniła bałans sajta jašče na $100.

Zajaŭka na vyvad srodkaŭ źmianiła status na «čakańnie». Ale, na žal, praz abiacanych 15-30 chvilin ničoha nie adbyłosia. Viktoryja napisała ŭ padtrymku. A jany joj tam niešta nakštałt: «suma vyvadu pieravyšaje $1200 (było $1212), płacicie jašče padatak 13%».

— Ja znoŭ paviałasia, nu sapraŭdy, bo padatki na vyjhryšy ŭ kazino takija ž, jak padachodny. Plus znajomyja, chto hulaŭ u anłajn-kazino, kazali, što padatak apłačvajecca praz sam ža sajt. Adzinaje, što źbiantežyła, čamu heta asobnym rachunkam, a nie śpisvajecca aŭtamatam z sumy vyvadu. Apłaciła padatak $168. Usio byccam by vydatna. I tut na poštu prychodzić paviedamleńnie nibyta z banka. Dziŭny byŭ adras elektronnaj pošty, ale ž taki bank isnuje. Kažuć, maŭlaŭ, nie mohuć zaviaršyć tranzakcyju, pakul hulec nie apłacić mierčantaŭ. Tak i nie zrazumieła, što heta i navošta. Ale z ulikam taho, kolki było ŭžo hrošaj ukinuta ŭ heta «dabro», chvalavała ŭžo pytańnie nie zarobku, a viartańnia svaich. Tak i tak, apłaciła mierčantaŭ $195.

«Zdać» Jevu za $4000

Zatym zdaryłasia samaje niečakanaje: napisaŭ niejki Andrej Uładzimiravič, kiraŭnik adździeła biaśpieki kazino, z abvinavačvańniami ŭ sprobach abyhrać jaho kampaniju pa schiemach niejkaj dziaŭčyny, za jakoj jany doŭha palujuć. A jana asabliva i nie chavałasia, raz rekłamu ŭ sacsietcy puskała. Mužčyna vyjšaŭ z prapanovaj zdać Jevu za ŭznaharodu ŭ $4000.

— Ja joj skazała pra heta. Jana pačała kazać, što niekalki supracoŭnikaŭ sutyknulisia za apošnija dva tydni z takoj ža situacyjaj. Treba prosta vykanać usie patrabavańni — »i budzie vam ščaście». Dyk jašče i $4000 prapanavali. Nu ok, raz Jeva skazała, to čamu b i tak. Ja skinuła infarmacyju i niejak sprabavała damovicca, kab mnie prosta viarnuli ŭsiu sumu, što ja im za tydzień skinuła, biez usich hetych bonusaŭ. U vyniku stvaryli asobny rachunak z sumaj $4000, ale znoŭ padatak 13%: usio ž «pa zakonie».

Pry hetym ja raz piać u padtrymcy pierapytała, a ci nie treba budzie papaŭniać bałans, apłačvać mierčantov znoŭ? Zapeŭnivali, što toj samy Andrej Uładzimiravič asabista prakantraluje, kab usio było ŭ ažury. Ja, naturalna, usio heta miljard razoŭ pastaviła pad sumnieŭ. Što ž heta za kazino takoje, dzie paśpiavajuć adsačyć staŭki ŭsich hulcoŭ, dzie nie papiaredžvajuć pra ŭsie praviły vypłat adrazu, a robiać heta krok za krokam, i, samaje hałoŭnaje, čamu pałovu pieršapačatkovaj sumy biez prablem vyvieli na kašalok hetaj Jevy? Usio heta pytałasia ŭ padtrymcy, ale voś zdoleli jany piśmienna abyjści ŭsie pytańni, što znoŭ sumnievy raźviejalisia.

Bolš za ŭsio zdarovy sens u hałavie Viktoryi zaciamniła žadańnie viarnuć svaje ŭkładzienyja hrošy. Jana znoŭ apłaciła padatak, na hety raz $520, i jašče sumu, jakaja padaražała da $250. Tut jašče padviarnulisia siabry, jakija ŭsio jak adzin skazali: «Chto nie ryzykuje, toj nie pje šampanskaha», i dakučlivaja dumka ŭ hałavie: «Treba iści da kanca, aby viarnuć svaje $984».

— Užo nu zusim tryźnieńnie stali pisać u padtrymcy, nibyta suma vyvadu dla łakacyi pa zakanadaŭstvie nie pavinna pieravyšać bałans u dva razy. Nasamreč, dzika cikava, što b jany tam dalej prydumlali, ale hrošaj stała škada. Ja ciapier u daŭhach jak u šaŭkach. Adčuvańnie, byccam sama raźviała ludziej, jakija mnie pazyčali hrošy.

Zły žart sa mnoj adyhrała žadańnie daviarać ludziam. U machlaroŭ jość pradumanyja adkazy na ŭsie padstupnyja pytańni. Razam: minus $1234, vydatkavany čas, niervy i padbitaja samaacenka. Biez paniaćcia, jak vykručvacca ciapier, ale čamuści navat viesialić hetaja situacyja. Pajdu pracavać nad saboj, kab bolš nie ŭlapvacca ŭ padobnyja historyi, — zakančvaje hierainia.

Čytajcie taksama:

«Usiaho za 20 jeŭra ja dapamahu «zabycca» znojdzienuju infarmacyju». Źjaviłasia machlarskaja schiema ci pravakacyja, mahčymaja tolki ŭ Biełarusi

Machlary stali padmanvać biełarusaŭ praz daktaroŭ

Na minčuka machlary aformili dva anłajn-kredyty. Jon pajšoŭ u sud i pieramoh

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
6
Ха-ха
8
Ого
1
Сумна
6
Абуральна
4
0
Vład/adkazać/
21.02.2024
Skazka pro "Sup iz topora" . Odin v odin!
2
Minak/adkazać/
21.02.2024
U maim razumieńni ciažkaje finansaaaje stanovišča - heta kali ŭ ciabie 20 rubloŭ zastałosia i dzie brać hrošy, nieviadoma. A kali ŭ ciabie svabodna $1000 boŭtajecca na rachunku, to tut užo pytańnie... Uvohule, usio łahična. Kali nia ŭmieješ dumać, to internet musić abychodzicca daražej.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031