Znajści
Ałharytmičny łacinski varyjant
20.02.2024 / 09:422RusŁacBieł

«Situacyja z represijami ŭ Biełarusi horšaja za časy vajennaha stanovišča ŭ Polščy» — Sikorski

Kiraŭnik polskaj dypłamatyi Radasłaŭ Sikorski padčas sustrečy ź jeŭrapiejskimi kalehami ŭźniaŭ temu represij u Biełarusi i paraŭnaŭ ich z vajskovym padaŭleńniem «Salidarnaści» ŭ Polščy bolš za 40 hadoŭ tamu. Na dumku palityka, u Biełarusi situacyja horšaja.

Ministr zamiežnych spraŭ Polščy Radasłaŭ Sikorski. Fota: Maxym Marusenko / NurPhoto via Getty Images

Ministr zamiežnych spraŭ Polščy Radasłaŭ Sikorski vykazaŭsia nakont Biełarusi padčas aficyjnaj sustrečy kiraŭnikoŭ MZS krain Jeŭrasajuza ŭ Brusieli, pieradaje polskaje ahienctva PAP.

«U Biełarusi, jak i ŭ Rasii, u chutkim časie taksama majuć adbycca fejkavyja prezidenckija vybary. Usie my pamiatajem, čym skončylisia papiarednija vybary — chvala represij dahetul nie słabieje. U suadnosinach da kolkaści nasielnictva heta horš, čym było ŭ nas padčas vajennaha stanovišča. 

Nahadaju, što siońnia ŭ Biełarusi i Rasii razam bolš palitviaźniaŭ, čym było pry Leanidzie Brežnievie ŭ SSSR», — adznačyŭ Sikorski.

Akramia hetaha kiraŭnik MZS Polščy zakranuŭ temu niadaŭniaha zabojstva Alaksieja Navalnaha ŭ rasijskaj kałonii i padkreśliŭ, što novyja sankcyi za śmierć apazicyjaniera pavinny być uviedzieny nieadkładna.

Vajskovaje stanovišča ŭ Polščy (1981-1983) uvodziłasia tahačasnaj kamunistyčnaj uładaj krainy dla padaŭleńnia masavych pratestaŭ i zabastovak niezaležnaha rabočaha ruchu «Salidarnaść». Pa roznych acenkach, za hody stanovišča było zabita ad niekalkich dziasiatkaŭ da sotni čałaviek, kala 10 tysiač čałaviek byli aryštavanyja.

Pa infarmacyi pravaabarončaha centra «Viasna», z pačatku vybarčaj kampanii 2020 hoda ŭ Biełarusi ŭžo viadoma pra bolš za 4 500 asudžanych i, jak minimum, 5 736 fihurantaŭ (u tym liku padazravanych, abvinavačanych abo ŭžo asudžanych) palityčna matyvavanych kryminalnych spraŭ. Bolš za 10 čałaviek byli zabityja (4 ź ich pamierli za kratami).

Pavodle AAN, tolki za pieršyja 5 dzion paśla prezidenckich vybaraŭ u Biełarusi ŭ žniŭni 2020 hoda byli aryštavany kala 13 500 čałaviek, u tym liku 700 dziaciej.

Čytajcie taksama:

«Treba vyciahnuć siudy administrataraŭ, jakija za miažoj znachodziacca». Jak HUBAZiK pravodzić hutarki z aryštavanymi

«Ja bolš nie chaču zajmacca palitykaj». Pa internecie hulaje fejkavy zvarot Cichanoŭskaha

Ci moža śmierć Navalnaha padšturchnuć rasiejcaŭ da baraćby za svabodu? 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
13
Панылы сорам
1
Ха-ха
0
Ого
0
Сумна
5
Абуральна
1
7
Sisia z Korsiki/adkazać/
20.02.2024
Pomnicca, jak Sikorski ź litoŭskaj Dalaj navypieradki ŭtajmovyvali ruskaha fašysta łukašenku stać čałaviekam i paviarnucca da Jeŭropy. A jon im pakazaŭ kukiš.
1
Nie prajšło i 4 hady/adkazać/
20.02.2024
Cikava, a što pa-za kanstatacyjaj?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera