Znajści
Ałharytmičny łacinski varyjant
19.02.2024 / 23:574RusŁacBieł

19-hadovaja nastaŭnica z Hrodna raskazała, jak zarablaje 1600 rubloŭ. Nie ŭsie joj vierać

«U rukach ja trymaju svoj raźlikovy list za studzień», — z takich słoŭ pačynajecca rolik, jaki narabiŭ šumu ŭ tyktoku. Aŭtarka videa — 19-hadovaja dziaŭčyna, jana skončyła Vaŭkavyski piedahahičny kaledž i pracuje ŭ hrodzienskaj himnazii nastaŭnicaj pačatkovych kłasaŭ, piša Grodno.in.

Dziaŭčyna paviedamiła, što za pieršy miesiac 2024 hoda atrymała 1600 rubloŭ. I prademanstravała adpaviedny radok raźlikovaha listka. Svoj studzieński zarobak dziaŭčyna raskłała pa paličkach:

«Ja — kłasnaja kiraŭnica druhoha kłasa, akład — 460 rubloŭ. Ja nie viedaju, kolki ŭ mianie tam hadzin, ale piać razoŭ na tydzień — hurtok, dva fakultatyvy. U mianie jašče try płatnyja hrupy, jakija ja viadu na praciahu tydnia paśla ŭrokaŭ. I ŭ mianie stymulujučyja dy padtrymnyja zaniatki».

Akramia taho, pakolki dziaŭčyna nastaŭnica pačatkovych kłasaŭ, joj idzie dapłata za kłasnaje kiraŭnictva — heta 250 rubloŭ. I nadbaŭka jak maładomu śpiecyjalistu — 138 rubloŭ.

Dziaŭčyna dała paradu hledačam rolika: «Zamiest taho kab pisać drennyja kamientary, schadzicie da načalstva i spytajcie, jak vam pavysić zarobak».

U kamientarach razharnułasia dyskusija: 1600 — heta šmat ci mała?

Ludzi padzialilisia svaimi dachodami:

«Ja jak nastaŭnica anhlijskaj movy i piedahoh-arhanizatar za hety miesiac atrymała 970 rub., i taksama maładaja śpiecyjalistka».

«U mianie bolš za 30 hadzin nahruzka, dźvie škoły, konkursy, vystavy, mižnarodnyja spabornictvy, akcyi — i ja nie atrymlivaju bolš za 1000».

A inšy kamientatar zrabiŭ vysnovu:

«Usio čaściej sustrakajusia ź ludźmi, jakija biez vyšejšaj adukacyi atrymlivajuć bolš. Ad vyšejšaj adukacyi jašče nichto nie parazumnieŭ…».

Čytajcie taksama:

U škole Minskaj vobłaści nie aciaplajuć, ale zaniatkaŭ nie admianiajuć. Čynoŭniki prydumali dla dziaciej lepšaje

«Prybiralnica raskidała źmienku». Maci školnika z Novaj Baravoj lutuje, a ŭ kamientarach dakarajuć jaje samu 

«Nas «vyciskajuć» patrochu, ale vielmi vyrazna…». Biełarusy raskazali, jak asabista ich zakranaje pavieličeńnie kamunałki

«Mianie nie ŭsprymajuć jak muža i baćku. Ja pieratvaryŭsia ŭ miašok hrošaj». Advarotny bok žyćcia hastarbajtaraŭ, pra jaki nie havorać uhołas

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
9
Ха-ха
10
Ого
1
Сумна
1
Абуральна
3
0
Kola/adkazać/
20.02.2024
A jak zavuć małuju, chto jaje baćki? NN jak zaŭsiody nie dahavorvaje
1
puf/adkazać/
20.02.2024
Tufta ot BRSM.
0
Maksim Dizajnier/adkazać/
20.02.2024
Kakoj užas. Mołodaja, chodiť po kafie, riestoranam, fitnies-cientram, vystavkam, hulať v parkie, bierieč psichiku i mientalnoje zdorovje. Upachivajetsia po 10-12 časov 5-6 dniej  niedielu s otpryskami kołchoźnikov i proletarijev. Čtoby tie u Polšču mohli pieriejechať.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031