Znajści
Ałharytmičny łacinski varyjant
19.02.2024 / 17:42RusŁacBieł

Za hod amal na 12% pavialičyłasia kolkaść DTZ z udziełam dzikich žyvioł

U Biełarusi za 2023 hod na 11,7% pavialičyłasia kolkaść avaryj z udziełam palaŭničych žyvioł. Pra heta napisała BiełTA sa spasyłkaj na Ściapana Huźnieja, namieśnika načalnika adździeła kantrolu za achovaj i vykarystańniem abjektaŭ žyviolnaha śvietu Dziaržinśpiekcyi.

Za 2023 hod zarehistravana 3374 DTZ z udziełam roznych žyvioł, na jakich dazvolena palavańnie. Heta na 353 bolš, čym u 2022 hodzie. U hetych avaryjach zahinuli abo byli traŭmavanyja 3439 žyvioł.

Čaściej za ŭsio pry sutyknieńni z aŭtamabilami hinuli:

  • kazuli — 2264 asobiny;
  • łasi — 915;
  • dziki — 150;
  • aleni vysakarodnyja — 96;
  • aleni plamistyja — 2;
  • łani — 8;
  • babry — 4.

Jak adznačyŭ Huźniej, fakty DTZ z udziełam takich žyvioł, jak aleń plamisty, łań, babior i vydra, nosiać adzinkavy charaktar. A voś kolkaść DTZ z udziełam łani ŭžo śviedčyć pra najaŭnaść peŭnaj prablemy i patrabuje pryniaćcia adpaviednych mier. Heta źviazana z charaktaram miescaŭ jaje pražyvańnia i praviadzieńniem mierapryjemstvaŭ pa zasialeńni i raśsialeńni hetaj žyvioliny.

Čaściej za ŭsio DTZ z udziełam žyvioł letaś zdaralisia ŭ piatnicu, paniadziełak i čaćvier. Heta niezvyčajna, bo š 2021 i 2022 hadach najbolšaja kolkaść takich vypadkaŭ prypadała na piatnicu, subotu i niadzielu.

Kolkaść faktaŭ DTZ i zahinułych pry hetym palaŭničych žyvioł:

  • Minskaja vobłaść — 956 faktaŭ DTZ (28,3% ad ich ahulnaj kolkaści) i 984 zahinułych žyvioł (28,6%);
  • Bresckaja vobłaść — 380 vypadkaŭ DTZ (11,3%) i 390 zahinułych (11,3%);
  • Hrodzienskaja vobłaść — 580 faktaŭ DTZ (17,2%) i 585 zahinułych (17%);
  • Viciebskaja vobłaść — 524 vypadki (15,5%) i 538 zahinułych (15,7%);
  • Mahiloŭskaja vobłaść — 487 faktaŭ (14,4%) i 494 zahinułych (14,4%);
  • Homielskaja vobłaść — 447 vypadkaŭ (13,3%) i 448 zahinułych (13%).

Čytajcie taksama:

Minčuk vykinuŭ kala dziciačaj placoŭki trup šalonaj lisy

U Ždanovickim sielsaviecie vyjavili šalenstva. Chvoraja kazula pryjšła na padvorak — ź joj kantaktavali i ludzi, i žyvioły

Čułyja rabotniki chutkaj dapamohi vyratavali kazulu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
0
Ого
0
Сумна
1
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera