Znajści
Ałharytmičny łacinski varyjant
19.02.2024 / 00:0115RusŁacBieł

Bondarava ašaleła. «Nam skažuć, što heta narodny vybar. Vybaru naroda niama!» 

Prarasijskaja danosčyca aburana «nakrutkami» na hałasavańni za nazvy minskich prypynkaŭ. U svaim videazvarocie jana raspaviała, jak jany ŭcichuju damahlisia pierahladu ŭžo praviedzienaha apytańnia, a taksama zapatrabavała pierajmienavać vulicy, nazvanyja imionami biełaruskich dziejačaŭ, u honar zabitaha ŭdzielnika zatrymańnia Zielcara i dahiestanskaha siłavika. 

U dopisach na svaim telehram-kanale Volha Bondarava vykłała 7-chvilinny videazvarot, u jakim nie chavała svaich emocyj nakont svajoj niaŭdałaj sproby sfalsifikavać apytanku na sajcie administracyi Leninskaha rajona Minska.

Nahadajem, što administracyja vyniesła na abmierkavańnie pytańnie najmieńnia prypynkaŭ hramadskaha transpartu, prapanavaŭšy vykazacca nakont imionaŭ kampazitara Stanisłava Maniuški i hieohrafa Arkadzia Smoliča, u honar jakich nazvanyja susiednija vulicy. Hetyja asoby aburyli prarasijskija siły i na praciahu piaci dzion jany nakručvali hałasy suprać.

Situacyja źmianiłasia na advarotnuju za niekalki hadzin, kali siońnia pra apytanku stała viadoma šyrokaj hramadskaści. 

Volha Bondarava raspaviała, što niekalki dzion tamu padpisčyca pakazała joj papiaredniuju apytanku pa tym ža pytańni, u jakoj pryniali ŭdzieł usiaho 10 čałaviek — i amal usie padtrymali prapanavanyja nazvy. 

Prarasijskuju aktyvistku taki raskład u «psieŭdaapytancy» nie zadavoliŭ. Na jaje dumku, Maniuška i Smolič — tyja «ludzi, jakija nie nieśli dabra biełaruskaj dziaržavie». A Smolič uvohule stajaŭ la vytokaŭ «toj samaj BNR — fantastyčnaj respubliki ŭ mazhach kupki zdradnikaŭ».

Razam sa svaimi paplečnikami jana «cichieńka, nie pryciahvajučy hramadskaj uvahi» źviarnułasia da ŭładaŭ horada Minska i administracyi rajona, kab «nie dapuścić dalejšaha skotvańnia ŭ machrovy nacyzm, nacyjanalizm i praciahu pamyłak, jakija pryviali da 2020 hoda».

Paśla hetaha na sajcie administracyi Leninskaha rajona źjaviłasia novaja apytanka, u jakoj, pavodle danosčycy, ludzi vykazalisia, što «nie chočuć, kab u horadzie Minsku ŭviekaviečvali imiony «vorahaŭ dziaržavy».

Pra toje, što adzinym miescam, dzie byli apublikavany spasyłki na apytanku z zaklikam tapić suprać Maniuški i Smoliča, byli kanały jaje paplečnikaŭ, Bondarava ścipła zmaŭčała.

Ale siońnia jaje čakaŭ šok: amal uvieś dzień niaŭchilna rasła kolkaść tych, chto hałasavaŭ za imiony Maniuški i Smoliča. Urešcie na dadzieny momant za hetyja varyjanty addali bolš za 68% hałasoŭ.

«U siarednim za 5 chvilin dadajecca kala 30, 40, časam bolš hałasoŭ. Heta značyć padklučana niejkaja sistema, jakaja nakručvaje hałasy. Heta adbyvajecca ŭvieś dzień!

Adkul hetyja ličby? Ščyra kažučy, mnie ciažka adkazać. Mahu skazać, što pracuje bota-fierma, taja ž samaja, što pracavała pa vybarach, pa 97%. Hetaja nakrutka praciahvajecca ŭvieś dzień», — ździŭlajecca danosčyca.

«Mabyć, kamuści vielmi treba, kab hetymi imionami Maniuški i Smoliča byli nazvanyja hetyja prypynačnyja punkty. Potym nam skažuć, što heta vybar naroda. Nijakaha vybaru naroda niama! Voś takija sumlennyja vybary: nakrutki, karusieli, bota-fiermy».

Danos Bondaravaj na «niapravilnaje» hałasavańnie. Z telehram-kanała Volhi Bondaravaj.

Nie mohučy pieramahčy biełaruskaje hramadstva ŭ sumlennych vybarach, Bondarava źvianułasia da pravieranaha mietadu — danosaŭ i skarhaŭ.

Jana ŭžo apublikavała zvarot, adrasavany da administracyi rajona, u jakim vykryvaje «palaka i revanšysta» Stanisłava Maniušku, «nacyjanalista i savietafoba» Alesia Dudara dy «rusafoba» Arkadzia Smoliča.

Bondarava ŭžo zamachnułasia nie tolki na nazvy prypynkaŭ, ale patrabuje pierajmanavać vulicy, nazvanyja ŭ honar hetych słavutych biełarusaŭ, na imiony biełaruskaha śpiecnazaŭca Dźmitryja Fiedasiuka, jaki byŭ zastreleny Zielcaram, sprabujučy ŭłamicca ŭ jahonuju kvateru, i dahiestanskaha siłavika Mahamieda Nurbahandava, aŭtara vyrazu «Pracujcie, braty!», jaki siońnia vykarystoŭvajecca dla ŭchvaleńnia ŭvarvańnia Rasii va Ukrainu i teroru biełaruskaha režymu suprać svaich hramadzian. 

«Naša Niva» — bastyjon biełaruščyny

PADTRYMAĆ

Čytajcie taksama:

Bondarava sprabuje dabicca, kab prypynki ŭ transparcie ahučvali pa-rusku. Jaje paŭsiul adfutbolili

Bondarava niepierakanaŭča apraŭdvajecca za toje, čamu 17 hadoŭ nie pracavała

«Bajusia, što jany hatovyja na ŭsio». Bondarava raskazała, jak joj ciažka žyviecca na biełym śviecie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
38
Ха-ха
23
Ого
4
Сумна
1
Абуральна
91
0
Zdaroŭje/adkazać/
19.02.2024
Egorka, ty stolki nie vypješ
0
Ožidanije tiažiełaja štuka/adkazać/
19.02.2024
Śmierť Alesia nikto nie prostił
0
Maksim Dizajnier/adkazać/
20.02.2024
Alek. Ru

A počiemu by i niet, jeśli o tiebia 10-20 let nohi vytirali, poili i kormili vsiakim haunom, a smysł žiźni 99% lumpienov - kupiť mašinu, potom bietonnuju noru v hietto, razmnožiťsia, i buchať na kuchnie s samim soboj, vyjezžaja na šašłyk v rodovuju oblezłuju izbu, "kohda tiepło"?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera